පසුගිය දවසක ප්රවීණ උතුරු ඉන්දියානු නළු සහ චිත්රපට නිර්මාණකරු ෆර්හාන් අක්තාර් එයාගේ සිනමා මිතුරු සමාගමක් එක්ක සුපිරි හෝටලයකදී හීනියට වාගේ පොඩි සෙට් වීමක් ඇරේන්ජ් කළාලු. Sri Lanka Latest News
බොලිවුඩ්වල කිං ඛාන් එහෙමත් එතැන ෆර්හාන්ගේ සමීපයේම හිටියලු. කතාබහ අතරට පරණ සිනමා මතකයන් මුලින්ම අරගෙන ආවේ ෆර්හාන්මයි. එතැනදී ලොකුවට කතාවට ආවේ ‘ඩොන් 2’ ෆිල්ම් එක ගැනයි. ‘ඩොන් 2’ එකේ බිහිසුණු දර්ශන කීපයක් ගැන කතාකරන කොට ‘ඩොන්’ විදියට රඟපාන ෂාරුක්ගෙ වාහනය පසුපස රහස් පොලිසිය හඹාඑන සීන් එක ගැන ෆර්හාන් වැඩිපුර කතාකෙරුවලු.
‘ඒක හරි නැචුරල් විදියට කරන්න ෂාරුක් ගොඩක් උදව් කළා. කොයිතරම් නැචුරල්ද කියනව නම් ඒක අපට ෂාරුක්ව නැතිවෙන්නත් තිබුණා’. මොකද කියනවා නම් මවාපෑමක් විදියට කරන්න ගිය ඇක්සිඩන්ට් එක 80%ක් විතර ඇත්තටම සිද්ධ වුණා. ඇත්තටම කියනවා නම් බ්රෝ මම ආයෙම ඔයාට ඒකට තෑන්ක්ස් කරනවා…’
ෆර්හාන් කතාවට නැවතුම ඒ විදියට තිබ්බේ ළඟ හිටපු ෂාරුක්ගේ පිටට මිත්රත්වයේ තට්ටුවකුත් දාන ගමන්මයි. එතැනදී ෂාරුක් ෆර්හාන් දිහා අමුතු තාලෙකට බලලා පස්සේ හයියෙනම හිනාවෙන්න ගත්තලු. හැමෝම බලාගෙන හිටියලු කිං ඛාන් එහෙම නක්කලේට හිනාවෙන්නේ ඇයිදෝ කියලා. තත්පර ගණනක හිනාව නවත්තලා.
‘ඇයි මචෝ උඹ මට මෙහෙම ස්තුති කරන්නේ…?’ කියලා ෂාරුක් හරිම ළෙන්ගතුව වාගේ ෆර්හාන්ගේ කර වටේ අත දාලා ඇහුවලු. ඔහු අන්දමන්දව ෂාරුක් දිහාවේ බලන් හිටියලු. අනෙක් යාළුවන්ටත් සීන් එක තවම පැහැදිලි නැහැ. කොරවෙලා කට්ටියම බලාගෙන ඉන්නවා ඔන්න.
‘ඇයි ඩෝ මතක නැද්ද මම උඹට එදා කෝටි ගානක අලාභයක් කළාය කියලා?’
ඊළඟට ෂාරුක් එහෙම කියලා ආයෙම හිනාවුණා. කට්ටිය තවම ෆුල් හොල්මන්. ඉන් පස්සේ ඔහු හෙමින් හෙමින් සීන් එකේ පටලැවිල්ල ලෙහන්න ගත්තා.
කතාව මේකයි.
ඩොන් 2 එකේ ෂාරුක් පවනට බඳු වේගයෙන් රහස් පොලිසියෙන් බේරෙන්න කාර් එක එළවනවා. ප්රියංකා චොප්රාත් සීන් එකේ ඉන්නවා. ෂූටිං තිබුණේ බර්ලින්වල. ඔන්න දැන් බිහිසුණු ඒ දර්ශනය කැමරා කරනවා. සීන් එක ලස්සනට ටොප් එකට යනවා ස්ටන්ට් කෙනෙක්ව පවා එපා කියපු ෂාරුක්ගේ ඩ්රයිවින් ගැන ෆර්හාන් මාරම විශ්වාසයකින් හිටියලු දර්ශනය අවසාන වෙන්න ඔන්න මෙන්න තියෙද්දී ෂාරුක්ට වාහනය පාලනය කරගන්න බැරිව ගියාලු. ඒක නැවතුණේ කිට්ටුව තිබුණු කැමරා ආම්පන්න වගේකුත් පෙරළගෙනයි. හැමෝම දුවගෙන ආවේ ෂාරුක් ගැන බලන්නයි.
‘ඔයා හොඳින් නේද…?’ ෆර්හාන් ඇහුවා.
‘අප්පා… මට හීන් දාඩිය දැම්මා කියහංකෝ…’ ෆර්හාන් එහෙමත් කිව්වා.
‘මම හොඳින් බ්රෝ. ඒත් ඔයාගේ කැමරා ආම්පන්න…?’ ෂාරුක් හරිම සංවේදීව ඇහුවා. එතකොට ෆර්හාන්ට ඒක මීටර් වුණේ.
‘මළ කෙළියයි. ඇත්ත නේන්නං. කෝටි ගානක් වටින කැමරා ආම්පන්න කුඩේකුඩු. ඒක උඩින්නේ මේකා කරණම ගහලා තියෙන්නේ…’
ඔහු හොල්මන්ද පොල් කොළ ගානට ටිකකට ගොළුවෙලා බලන් හිටියලු. මොකද කියනවා නම් ඩොන් 2 එකේ නිෂ්පාදන මෙහෙවර දැරුවේ ෆර්හානුයි. ඒත් ඔහු ඒ ගැන ගානකට නොගත්ත ගානට එතැනදී හැසිරුණේ ෆිල්ම් එකේ සීන් එක මල් හතට ආව නිසයි. ෂාරුක් අලාභය ගෙවන්න අවංකව සූදානම් වුණත් ෆර්හාන් එය අමතක කළා. එදා වගේම අදටත් ඒක එහෙමයි. ඒ හින්දනේ අවුරුදු ගානක් ගිහිල්ලත් ඒ සීන් එකේ ගැම්ම ගැන විතරක් කතා කරලා තිබුණේ. ඒත් ඉතින් කෝටි ගානක කැමරා ආම්පන්න කුඩේ කුඩු කරපු එක ෂාරුක්ට නම් තාම මතකයි අමතක වෙයියැ… ඒත් පාඩුව ඉන්දියානු රුපියල් කෝටි තුන හතරකට කිට්ටුයිනෙ.
මල්මි කෞෂල්යා
