මේ දවස්වල ජනප්රිය නිළි තාරකාවක වූ අනුරාධා එදිරිසිංහගේ ලස්සන වීඩියෝ එකක් සෝෂල් මීඩියාවල එකසිය ගානට වයිරල් වෙනවා. ඒ වීඩියෝ එකේ අනුරාධා ඉන්නේ ලස්සනම ලස්සන මනමාලියක් විදියට හැඩවෙලා. මනමාලයා විදියට ඉන්නේ ජනප්රිය නළු සූර්යා දයාරුවන්. හැමෝම වාගේ මේ වීඩියෝ එක දකින කොට හිතුවේ දෙන්නා කසාද බැඳලා කියලයි. ඒ වාගෙම ඒ හැමෝම වාගේ එයාලට හරි ආදරෙන් සුබ පතලා තිබුණා. අනෙක අනුරාධායි සූර්යායි කියන්නේ හරි අපූරුවට ගැළපෙන ජෝඩුව කියලත් ඒ සුබ පැතුම්වල යහමින්ම තිබුණා. Sri Lanka Latest News
කොහොමින් හරි දෙන්නා ඇත්තටම බැන්දා කියලා ලොකුවට රාවයක් ගියා.
ඒ අතර අනුරාධා ෆේස්බුක් එකේ පෝස්ට් එකක් දැම්මා මේ පලහිලව්වේ ඇත්ත තත්ත්වය පහදන්න.
අනුරාධාට තරහා ගිහින්ද?
අපොයි නැහැ. අනුරාධා කියන්නේ බොහොම නිහතමානී නිළියක්. නිළිකම ඕනෑවට වැඩිය ඔළුවට ගන්නේ නැති ඈ මීඩියා එක්කත් හරි සුහදව කටයුතු කරනවා.
‘ඒක ෆොටෝ ෂූට් එකක්. තවම මම මැරි කරලා නැහැ. කසාද බඳින දවස අනිවාර්යයෙන් කියන්නම්…’
අන්න එහෙම හරි සරල විදියට ඇය කාගෙත් හිත්වල තිබෙන වැරැදි වැටහීම නිරවුල් කළා. ඒ වගේ ෆොටෝ ෂූට් අරගෙන අහවල් නිළිය හෝ නළුවා බැන්දාය කියලා වයිරල් කරන එක මෑතක ඉඳන් සෝෂල් මීඩියාවල ෆැෂන් එකක් වෙලා තිබුණා. ඒත් ඒ හැම ෆොටෝ ෂූට් එකකටම වඩා අනුරාධාගේ ෂූට් එක ෆේමස් වුණා කිව්වොත් ඒක බොරුවක් නෙවෙයි.
ඒ වාගෙම අනුරාධා කියන්නේ රසික හිත්වලට සුන්දර ආකර්ෂණයක් දුන්න අමතක නොවන මතකයක් දුන්න අතිදක්ෂ චරිතාංග නිළියක්. සුසුම් රස්තියාදුව වගේම ගිරිදේවි ටෙලිවල ඈ කරපු රංගනයන් කොහොමත් අමතක නැහැ.
‘මට දෙන හැම චරිතයක් එක්කම මම හුස්ම ගත්තා…’
අනුරාධා කතාබහකට ආවොත් ඇගේ රංගන ශෛලිය ගැන කතාකරන්නේ එහෙමයි. නිළියක් වෙන හීනයක් ඇගේ හිතේ කවදාවත්ම තිබිලා නැහැලු. හැමදාම ඈ හීන දැක්කේ ඇගේ අම්මා වගේ දයාවන්ත හවුස් වයිෆ් කෙනෙක් වෙන්නලු. ඒත් නිළියක් වෙච්ච එක ගැන ප්රේක්ෂකයෝ ඇයට දක්වන ආදරය ගැන ඈ තෘප්තිමත්ලු.
‘හැම දේටම වෙලාව කලාව කියලා එකක් තියෙනවා. යමක් සිදුවිය යුතු වෙලාවට ඒ දේ සිදුවේවි…’
අනුරාධා එහෙම කියලා තිබුණේ යූටියුබර් කෙනෙක් එක්ක කතාබහකට ආව වෙලාවෙයි.
කොහොමත් බැන්දයි කියලා බොරුවට වයිරල් වුණාය කිව්වත් ඈ සූර්යා එක්ක කරලා තිබුණ ෆොටෝ ෂූට් එක නම් ටොප් එකට තිබුණා. ටොප් කියන්නේ ඕවර් ද ටොප්.
‘ඒ තරම් ලස්සන ෆොටෝ ෂූට් එකක් කවදාවත් දැකලා නැහැ…’
හැමෝම කමෙන්ට් කරලා තිබුණේ එහෙමයි.
මල්මි කෞෂල්යා
