මෑත කාලයේදී සිංහල සිනමාවේදී ජාත්යන්තර සිනමා සම්මාන 10කට පාත්රවුණු සිනමා නිර්මාණයක් තව නොබෝ දිනකින් රිදී තිරය මත දිගහැරෙනු ඇත. ‘රිවර්ස්ටන්’ ලෙසින් නම්කෙරුණු මෙම චිත්රපටයෙහි සුවිශේෂත්වය වන්නේ පසුගිය වසරේ පැවැති 36 වැනි සිංගප්පූරු අන්තර්ජාතික සිනමා උළෙලේදී ‘හොඳම රංගනය’ උදෙසා වූ ‘ස්වර්ණ තිර’ සම්මානය සිනමා රංගන ශිල්පී මහේන්ද්ර පෙරේරා විසින් හිමිකර ගැනීමය. Sri Lanka Latest News
ලොව ප්රධාන සිනමා උළෙලක් වන සිංගප්පූරු ජාත්යන්තර සිනමා උළෙලේදී මින් පෙර මෙම සම්මානයට පාත්ර වූයේ මෙරට සම්භාවනීය රංගධර ජෝ අබේවික්රම මහතා පමණි. වත්මන් සිංහල සිනමාවේ අතිදක්ෂ චරිතාංග රංගන ශිල්පියකු වන මහේන්ද්ර පෙරේරා විසින් මෙම සම්මානය දිනාගැනීම සිනමා ඉතිහාසයෙහි රන් අකුරින් ලියැවෙනු ඇත. ඔහු ‘රිවර්ස්ටන්’ චිත්රපටයෙහි සුවිශේෂ රංගනයක යෙදෙයි. ඔහුට අමතරව මෙම නිර්මාණයේ ප්රධාන චරිත ශ්යාම් ප්රනාන්දු, ප්රියන්ත සිරිකුමාර සහ රන්දික ගුණතිලක විසින් රඟදක්වති. මෙම නිර්මාණයේ අනෙක් විශේෂත්වය වන්නේ ‘රිවර්ස්ටන්’ අධ්යක්ෂණය කළ ලලිත් රත්නායක ඉහත සිනමා උළෙලේ හොඳම අධ්යක්ෂවරයා ලෙසට සම්මානයට පාත්ර වීමය.
‘රිවර්ස්ටන්’ ප්රභාත් රොෂාන් සහ නිමන්ති පෝරගේ විසින් නිෂ්පාදනය කර ඇත.
ප්රියන්ත හෙට්ටිගේ
