පසුගිය දවස්වල ජනප්රිය ටෙලි තරුවක් වූ විශ්ව කොඩිකාර හුඟක් බිසී වෙලා හිටියා. අලුත් ටෙලි කිහිපයක වගේම අලුතෙන් භාර අරගෙන තිබුණු චිත්රපටයක තමාගේ වැඩ කොටස ඉක්මණින් ඉවර කරන්න ඔහුට හරි කලබලයක් තිබුණා. Sri Lanka Latest News
මොකක්ද ඉතින් ඔය කියන කලබලයට හේතුව?
හේතුව විශ්ව ඔස්ටේ්රලියාව පැත්තේ රවුමක් ගහන්න යන්න ලකලෑස්ති වුණු එකයි. අවුරුද්දකටත් වැඩි කාලයකින් විශ්ව එයාගේ ආදරණීය බිරිඳ එරන්දිව වාගේම එයාගේ පුංචි දුවයි පුතාවයි දැකගන්න ගියේ නැහැලු. ඒකට හේතුව වෙලා තිබුණේ කලා කටයුතුවලට මැදිවෙලා හිටපු නිසා ඔස්ටේ්රලියාවට යන්න එන්න ඔහුට විවේකයක් නැති වීමයි. කොහොම හරි කලට වෙලාවට ටයිමින් එහෙ මෙහෙ කරගෙන ඔහු දරු පවුල බලන්න යන්න දින යොදාගත්තා කියමුකෝ. හැබැයි මාස පහළොවකින් දාසයකින් විතර විශ්ව එන බව දන්නේ එරන්දි විතරයිලු. පුතයි දුවයි දන්නේ නැහැලු තාත්තා එන බව. ඔහුට ලොකු ආසාවක් තිබුණලු දරුවො දෙන්නව සර්ප්රයිස් කරන්න.
විශ්ව හිතපු විදියට එයාලා සර්ප්රයිස් වෙලාද?
ඔව්. එරන්දි සෝෂල් මීඩියාවලට ඊයේ පෙරේදා දවසක මුදාහැරලා තිබුණු ව්ලොග් එකක හරි අපූරුවට සටහන් වෙලා තිබුණා තාත්තව දැකලා දරුවො දෙන්නා පුදුම වෙච්ච අපූරුව ගැන. ඒ විතරක් නෙවෙයි විශ්ව විශේෂයෙන්ම මේ ගමන කලබලේට ගියේ එයාගේ දුවගේ උපන්දිනය ජයට සමරන්නත් එක්කමලු.
විශ්ව ඔස්ටේ්රලියාවට ගියේ ස්ථිර පදිංචියටවත්ද?
එහෙම කතාවකුත් තියෙනවා. හැබැයි යන්න කලින් දාලා තිබුණු ව්ලොග් එකේ නම් විශ්ව එහෙම එකක් කියලා තිබුණේ නැහැලු. ඒත් ඉතින් භාරගත්ත වැඩ ඔක්කොම ඉවරයක් කරලා එයා ගියේ එහෙ පදිංචියටද කියලා කියන්නත් බැහැ. මොකද කතාබහකට ආවොත් ඔහු හැමදාමත් කියන කතාව තමයි තමන්ගේ ජීවිතේ පළමු තැන දරු පවුලටයි කියන එක. ඒක ඇත්ත. තොරතුරු වගේම ඕපාදූපවල හැටියටත් විශ්ව කොඩිකාර කියන්නේ හොඳ හස්බන්ඩ් කෙනෙක් වගේම හොඳ තාත්තා කෙනෙක්.
ඒ විතරක් නෙවෙයි, විශ්ව කියන්නේ එයාගේ නළු ජීවිතය තුළත් අවුලක් නැති කැරැක්ටර් එකක්. සෙට් එකට වෙලාවට එනවා, කලා ලෝකේ කා එක්කත් හුඟක් සුහදයි. මීඩියාවලට වුණත් ඔහුගේ ලොකු සීන් නැහැ. නිහතමානී හොඳ නළුවෙක්. ඔහු කිව්වේ නම් මාස 10කට 12කට ඔස්ටේ්රලියාවට යන වගක්. ඒත් කොහොම වෙයිද දන්නේ නැහැ ඉතින්…
මල්මි කෞෂල්යා
