ජනප්රිය රංගන ශිල්පියෙක් ලෙස ඔබ හඳුනාගත් ඔහු පළමුව ක්ෂේත්රයට පිවිසියේ සංගීත කලාවෙනි. ‘විසේකාරී’ ටෙලිනාට්යය හරහා ඔබේ ආලින්දය හැඩ කරන ලසිත් දසනායක අද ‘හාට්’ අපේ මේ කතාබහට ගොඩවැදුණේ මෙලෙසින්.Sri Lanka Latest News
ලසිත් ඔබේ මේ දවස්වල වැඩකටයුතු කොහොමද?
මේ දවස්වල ඉතින් විසේකාරි විතරයි ටෙලිකාස්ට් වෙන්නෙ. ඉතින් මේ දවස්වල රූගත කිරීම් කරගෙන යනවා. ඊට අමතරව මගේ රාජකාරි වැඩකටයුතු සහ විවිධ ප්රසංගවලට ආරාධනා කළාම ඒවටත් මම හරිම සතුටින් සහභාගි වෙනවා.
රංගනයට සම්බන්ධ වුණේ කොහොමද කියලා දැනගන්නට කැමැතියි?
මම මුලින්ම එන්නෙ මියුසීෂියන් කෙනෙක් විදියට. ‘මාත් මගේ නෙවේ නුබේ වෙලා’ කියලා මගේ ගීතයක් තියනවා. දනිත් ශ්රී මෙලඩි කරපු සහ සංජුල හිමාල මියුසික් කරපු. 2019 දි තමා ගීතය නිකුත් වුණේ. ඒ ගීතය ගොඩක් ජනප්රිය වුණා. නමුත් මියුසික් වීඩියෝ එකක් නැති නිසා අදටත් ඒක කියන්නෙ මම කියලා සමහර අය දන්නෙ නෑ. ටෙලිනාට්යයට 2021 දි ආවෙ අහම්බෙන්. මගේ මියුසික් වීඩියෝ එකක් ගැන කතාකරගන්න මම බුද්ධික සේමසිංහ අයියා ළඟට ගියාම ඒ වෙලාවෙ අයියා ඩිරෙක්ට් කර කර ඉඳපු ස්වර්ණවාහිනියේ විකාශය වුණු ‘බස් එකේ ඉස්කෝලෙ’ ටෙලිනාට්යයේ එක්ස්ට්රා චරිතයක් තිබුණා වෛද්යවරයෙක්ගෙ. ඒ චරිතය මම කළාට පස්සෙ ඒකට හොඳ ප්රතිචාර ලැබුණු නිසා චරිතය දිගටම එන්න පටන් ගත්තා..
විසේකාරිට ලැබෙන ප්රතිචාර කොහොමද?
ඇත්තටම ‘විසේකාරි’ ටෙලිනාට්යයට ගොඩක් ප්රතිචාර තියෙනවා. මගේ කලා ජීවිතයේ හැරවුම් ලක්ෂ්යය තමා ‘විසේකාරි’ කියන්නෙ. රසික රසිකාවියො මාව අඳුනගත්තෙ ඒ නිසා. ඉතින් නිෂ්පාදකතුමා සහ තිරපිටපත් රචක ඇතුළු සියලු දෙනාට මම මේ අවස්ථාවේ ස්තුතිවන්ත වෙනවා මට අවස්ථාව, වටපිටාව සලසා දුන්නට.
රංගනයේදී විවිධ චරිතවලට ආරෝපණය වීම ඔබට කොහොමද දැනෙන්නෙ?
ඇත්තටම මම තාම රංගනය ඉගෙන ගන්නවා. ඒක තමා මට තියෙන ලොකුම අභියෝගය. විශාලතම අභියෝගය තමා විවිධ චරිත කතාකරන විදිය, විවිධ චරිතවල හැසිරීම් මාරුවෙන විදිය මේ දේවල් ඉගෙන ගන්න එක. මේ දේවල් කරන එක මට අභියෝගයක්. මොකද මම සංගීතය හදාරලා තිබුණට රංගනය හදාරලා නැහැ. මම ආධුනික රංගන ශිල්පියෙක් විදියට මම කරන වැඩවලින්ම ඉගෙන ගෙන යනවා.
අවසාන වශයෙන් ඔබේ ඉදිරි වැඩකටයුතු පිළිබඳ කතා කළොත්?
ටෙලිනාට්ය කිහිපයකටම ආරාධනා ලැබිලා තියෙනවා. මේ දවස්වල ටිකක් කාර්යබහුල නිසා භාරගන්නෙ නැහැ. ආයෙත් සංගීත ක්ෂේත්රයට එන්න බලාපොරොත්තුවක් තියෙනවා. මේ හැමදේම එක්ක සමබරව ජීවිතය ගත කරන්න බලාපොරොත්තු වෙනවා.
