කරීනට තාම විස්සයි

මගේ කුලුඳුල් රූගත කිරීම සිදුවූයේ ‘රෙෆියුජී’ චිත්‍රපටය වෙනුවෙනි.
එය යෙදී තිබුණේ හිමිදිරි උදෑසන හිරු නැඟ එන යාමයේ 4 පසුවී විනාඩි ගණනකදීය.
ඒ උදෑසන මම කැඩපත ඉදිරියට වී කරීනා කපූර් සමඟ පැහැදිලිව අදහස් හුවමාරු කරගනිමි.
කියන්න, මේ මම ගත්තේ මගේ ජීවිතය වෙනුවෙන් ගතයුතු හරි තීරණයද කියා ඇගෙන් ඇසුවෙමි.
ඇගේ මුහුණ පුරා සතුට මුසු ආශ්වාදය පිරී ඉතිරිණි. එය මගේ ප්‍රශ්නයට ඇතුළත් කදිම උත්තරය විය.
‘ඉතින්…’
ඒ පිළිතුරෙන් පසු මම මගේ රංගන දිවිය සඳහා පළමු පියවර තැබුවෙමි.
ඒ ජයග්‍රාහී ආරම්භක පියවර තබා ගෙවී යන ‘විසි වසරක සම්පූර්ණත්වය තුළ මම අද අසීමිත තෘප්තියට පත්ව සිටිමි.
එදා ‘රෙෆියුජී’ වෙනුවෙන් මා සමඟ අත්වැල් බැඳ සිටි සෑම දෙනෙකුටම ස්තුතිවන්ත වෙමි.
බලාපොරොත්තු නොවූ දේ පවා මා වෙත ලබා දීම ගැන දෙවියන්ටත් මගේ දෛවයටත් ප්‍රශංසා කරන්නෙමි.
කරීනා කපූර් සිය ඉන්ස්ටර් ග්‍රෑමයෙහි පසුගිය දවසක එවැනි සටහනක් මුදා හැර තිබුණේ තම සිනමා ජීවිතයට වසර 20ක් පිරීම නිමිත්තෙනි.
කරීනා කපූර් ඛාන් ඉතා නිහතමානීව කියා සිටියේ ‘රෙෆියුජී’ දුන් ආරම්භයක් සමඟ තමා වෙත ඉහළ ගණයේ ළා හැකි සුපිරි චිත්‍රපට පෙළක් හඹා ආ බවය. ඒ අතර අශෝකා, කවි කුෂි කබි ගම්, බමේල් සහ ඕම්කාර ඉතාම සුවිශේෂී වගද කරීනා පුන පුනා කීවාය.
නිහතමානී සරල තරුවක වූ අභිෂේක් මෙහිදී ඔබ ගැන මට අමතක කරන්නට බැරි තරම්ය. ඔබ මගේ සම තරුවයි.
යනුවෙන්ද කරීනා සිය ඉන්ස්ටර් ග්‍රෑමයෙහි සඳහන් කර තිබුණේ ‘රෙෆියුජී’ හිදී ඔහු තිළිණ කළ මිත්‍රශීලී සහයෝගය නිසාය.
‘ජේ. පී. දත්තා මට ඔබව මතක නැහැ. ඔබ දුන් ගුරුහරුකම්වලට ස්තුතියි.
ප්‍රවීණ කලාකරු ජේ. පී. දත්තා වෙනුවෙන් කරීනා සිය ස්තුතිය එලෙස අකුරුකර තිබිණි.
ඇතැමුන් සිතා සිටින යම් වැරැදි කාරණයක් ගැන මෙහිදී මම කතා කරන්නට කැමැත්තෙමි.
කපූර් පෙළපත නිසා ‘කරීනා කපූර්’ තම ජයග්‍රහණය තහවුරුකර ගත්තාය කියන කතාව කිසිවකු හෝ කියන්නේ නම් මම එයට මෙවැනි පිළිතුරක් දෙමි.
නෑකම ගැන සඳහන් කරන්නේ නම්, මම රාජ් කපූර් නම් අසහාය මිනිසාගේ මිනිපිරියයි. රන්බීර් මගේ තාත්තාය. කරීෂ්මං මගේ සහෝදරයාය.
එහෙත්,
මේ කිසිවක් මගේ ජනප්‍රියත්වය සඳහා ඍජු හේතු පාඨයක් වූයේ නැති බව නිහතමානීව කියමි.
කපූර් පරම්පරාව මට ඉනිමඟක් ආකාරයට අත්වැල් සැපයුවද සම්පූර්ණ විසි වසරක් පුරා උතුරු ඉන්දීය සිනමාවෙහි ගිලිහී නොගිය තරුවක වීමේ වරම මට උදාවූයේ මෙම ගමන තුළ මා කළ කැපකිරීම් සහ වැය කළ මෙහෙය මහන්සිය නිසාය.
සාර්ථක තරුවක සතුවිය යුතු ප්‍රබලම අවියක් වන්නේ තමාට ආවේණික වූ ශිල්පය තුළ දැඩි කැපවීමකින් කටයුතු කිරීමය. ඒ සඳහා දරාගැනීම, ඉවසීම සමඟ සුහදව ආභාෂයන් සමඟ ගැවසීම සහ ඇසුරු කිරීමද අවැසි වෙයි.
කරීනා කපූර් ඛාන් ලෙස මම අද මේ මොහොතේ කියමි.
‘රෙෆියුජී’ අවසානයේ වසර 20ක් ගෙවී ගියද තවමත් කරීනා කපූර් සිය ප්‍රතිරූපය මත පලුදු නොවී සතුට සහ ජනප්‍රියත්වය සමග වසන්නේ පැරෂුට් ස්වරූපයේ තාරකාවක නොවූ නිසාය.
හදාරන්නට තවම බොහෝ දෑ ඇත. මම අංගසම්පූර්ණ යැයි සිතන්නට මම පැකිලෙමි.
මන්දයත් එසේ සිතන විට සාර්ථක වන්නට ඇහැකි බොහෝ තව තැන් මා වෙතින් ගිලිහී යනු ඇත.
කරීනා කපූර් ඛාන් තම ට්විටර් ගිණුමෙහි ඒ දිගු සටහන තබා තිබුණේ නවකයන් වෙනුවෙනි.
එම සටහන පාමුල අභිෂේක් බච්චන් මෙවැනි පිළිතුරු සටහනක් එක්කර තිබිණි.
මමද කරීනා සමගම ගමනට එක්වූ විසි වසරක තරුවකි. ඈ කී සියල්ල අසත්‍යයෙන් තොරය.
විනෝදය සඳහා පමණක් තරුවක නොවන්න, ඒ වෙනුවෙන් බොහොමයකි. අවධානයෙන් එය හඳුනාගන්න.
මේ සියල්ල සටහන් කරන අතර, මම මගේ සම තාරකාවියට, ඇගේ හෙට දවසට සුබ පතමි.
කරීනා ඔබට සුබ අනාගතයක්!
දමයන්ති රේණුකා ප්‍රනාන්දු