පුනර්ජනනීය බලශක්ති ක්ෂේත්රයේ සුර්ය විදුලි බල උත්පාදනය සදහා හිමිවන්නේ සුවිශේෂී ස්ථානයක් බවත් පරිසර හිතකාමී හරිත බලශක්ති උත්පාදනයක් නිසා අප ද රටක් ලෙස වැඩි වශයෙන් යොමුව ඇති බවත් ආණ්ඩුවේ ප්රතිපත්ති ප්රකාශයේ 165 පිටුවට අනුව සූර්ය බලය මගින් මෙගාවොට් 2000ක් ක්රමිකව ජාතික පද්ධතියට එක් කිරිමට යෝජනා වුවත් ආණ්ඩුවට බලයට පත්වීමෙන් පසුව ගන්නා තීරණ ඊට පටහැනි බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ පුනර්ජනනීය බලශක්තිය සම්බන්ධයෙන් රජයේ ස්ථාවරය ස්ථාවර නියෝග 27 (2) යටතේ ප්රශ්න කරමිනි.
මෙරට පැවැති ගල්අගුරු හා ඩීසල් බලාගාර සංඛ්යාවත් ඒ අතර රජයට අයත් නොවන ඒවා මෙන්ම එහි හිමිකරුවන් ගැනත් දැනට ඩීසල් ගල්අගුරු ජලවිදුලිය හා සූර්ය ශක්තිය මගින් විදුලි ඒකකයක් නිපදවීමට රජය වැය කරන මුදල මෙන්ම පෞද්ගලික බලාගාරයක් හරහා විදුලි ඒකකයක් මිලදී ගැනීමට වැය කරන මුදල දැන ගැනීමට අවශ්ය බවත් විපක්ෂ නායකවරයා පැවසීය.
එක් එක් බලාගාරය මගින් විවිධ විදුලි උත්පාදන ප්රබේධ ඔස්සේ ජාතික විදුලි පද්ධතියට එක් කරන මෙගාවොට් ප්රමාණයන් මෙන්ම ලංකා විදුලි බල මණ්ඩලයේ දීර්ඝ කාලීන විදුලි ජනන සැලසුම අනුව සූර්ය විදුලිය මගින් කොපමණ ප්රමාණයක් නිපදවනවාද කියා පුරෝකථනය කර ඇත්නම් එය ඉදිරිපත් කරන ලෙසත් පැවසූ විපක්ෂ නායකවරයා කියා සිටියේ මෙරට ස්ථාපිත සමස්ත සමස්ත සූර්ය විදුලිබල ධාරිතාවන්ගෙන් පියස මත සහ පොළව මත ඉදිකර ඇති විදුලි ව්යාපෘතිවලින් දක්වන දායකත්වය සහ ඒ සදහා ගෙවන මිල ගණන් ඉදිරිපත් කරන ලෙසයි.
පොළොව මත ඉදි කරන සූර්ය බල ව්යාපෘති කොපමණ ප්රමාණයකට ඉල්ලුම් පත්ර නිකුත් කර ඇත්තේද සහ ඒවාට කොපමණ අනුමැතිය ලබා දී ඇත් ද කියා විමසා සිටි විපක්ෂ නායකවරයා කියා සිටියේ වත්මන් රජය 2025 මාර්තු 17 නිකුත් කර ඇති චක්රලේඛයක් ප්රකාරව සූර්ය බල පද්ධති ජාල සීමා කර ඇති බවත් එය සූර්ය බලශක්තිය උත්පාදනය අඩපණ කිරීමක් බවත් මෙය ජනතා විශ්වාසය බිද දැමීමක් බවත් ය.
