වයඹ පළාතේ කුරුණෑගල වීරපොකුණ දංවිල ශ්රී අභිනවාරාමාධිපති,ඓතිහාසික විල්බාව රජ මහා විහාරස්ථානයේ භාරකාර , කුරුණෑගල ඇත්කඳ රජ මහා විහාරය සහ දේවගිරිය රණගිරි රජ මහා විහාරය යන විහාරයන්හි විහාරාධිකාර කුරුණෑගල ප්රදේශීය ශාසනාරක්ෂක බල මණ්ඩලයේ ප්රධාන ලේඛකාධිකාරි,සාමවිනිසුරු නීතිවේදී ශාස්ත්රපති ශාස්ත්රවේදී පූජ්ය පාද වීරපොකුණේ සුමංගල නායක ස්වාමීන් වහන්සේ “සද්ධර්ම කීර්ති ශ්රී බුද්ධරක්ඛිත” යන ගෞරව නාමය සහිතව ශ්යාමෝපාලි මහා නිකායේ අස්ගිරි විහාර පාර්ශ්වයේ වයඹ කටුගම්පොල හත්පත්තුවේ ප්රධාන සංඝනායක ධූරය හිමි වී ඇත.Sri Lanka Latest News
උන්වහන්සේ ලැබූ එම පදවිය සම්බන්ධයෙන් සන්නස් පත්රය පිරිනැමීමේ චාරිත්රානුකූල උත්සවය මාර්තු මස 08 වැනිදා අස්ගිරි පාර්ශ්වයේ මහා නායක අති පුජ්ය වරකාගොඩ ඥාණරතන නාහිමියන්ගේ ප්රධානත්වයෙන් අස්ගිරි මහා විහාරස්ථාන උපෝශිතාගාරයේදී පැවැත්වේ.
අභිනව ධූරයෙන් පිදුම් ලැබූ නායක ස්වාමීන් වහන්සේ පිළිගැනීම, අක්තපත්ර ප්රධානය ,විජිනිපත පිළිගැන්වීම,හා ආශිර්වාද පූජාවක් ඊට පසුදින මාර්තු 09 වැනි දින කුරුණෑගල දංවිල ශ්රී අභිනවාරාමයේදී පසුදා එනම් මාර්තු 09 වැනිදා සොළොස්මස්ථානාධිපති අතිපූජ්ය වේඬරුවේ උපාලි, අස්ගිරි පාර්ශ්වයේ අනුනායක අති පූජ්ය ආනමඩුවේ ධම්මදස්සී,මල්වතු පාර්ශ්වයේ අනුනායක අතිපූජ්ය නියංගොඩ විජිතසිරි යන නාහිමි වරුන්ගේ ප්රධානත්වයෙන් ගිහි පැවිදි පිරිසකගේ සහභාගිත්වයෙන් පැවැත්වේ.
උන්වහන්සේ එම ධූරයට පත් වීම වෙනුවෙන් සෙත් පතා වීරපොකුණ දංවිල ශ්රී අභිනවාරාමය,ඓතිහාසික විල්බාව රජ මහා විහාරස්ථානය කුරුණෑගල ඇත්කඳ රජ මහා විහාරය සහ දේවගිරිය රණගිරි රජ මහා විහාරය යන විහාරස්ථාන දායක සභාවන් හා පවුලේ ඥාතීන් විසින් සංවිධානය කරන ආශිර්වාද පිරිත් දේශනා දින තුනක් මුළුල්ලේ පැවැත්වේ.ඒ අනුව මාර්තු මස 13 දින මැල්සිරිපුර දේවගිරිය රණගිරි රජමහා විහාරයේ දී පිරිත් දේශනය හා පූජාව, මාර්තු මස 15 දින ඓතිහාසික විල්බාව රජමහා විහාරස්ථානයේ දී මාර්තු මස 16 කුරුණෑගල ඇත්කඳ රජමහා විහාරස්ථානය කේන්ද්ර කොට ගනිමින් මෙම ආගමික වැඩසටහන් සංවිධානය කර තිබේ.
කැන්ඩි ප්රයිම් නිව්ස්
