අද (27) උදෑසන ඇල්ල ප්රාදේශීය ලේකම් කාර්යාල පරිශ්රයේ දී අස්වැසුම ලබා ගැනීමේ බලාපොරොත්තුවෙන් අදාළ කටයුතු සඳහා පෝලිමේ සිටි අයෙකු ඇද වැටී මියගොස් තිබෙනවා. මියගිය පුද්ගලයා නමුණුකුල ප්රදේශයේ පදිංචි පුද්ගලයෙකු බවයි කියන්නේ.Sri Lanka Latest News
“මේ පුද්ගලයා පිංඅරාව වත්ත, ටොනකොම්බේ වතුයාය, නමුණුකුල ලිපිනයේ පදිංචි රාමසාමි කුලන්දවේලු කියන අය බව හදුනාගෙන තියෙනවා. ජාතික හැදුනුම්පත් අංක 461892671X හිමි මේ අය වයස අවුරුදු 77ක කෙනෙක්.
ප්රාදේශීය ලේකම් කාර්යාලයේ රාජකාරී ආරම්භ වීමට පෙරයි මෙම මරණය සිදුවෙලා තියෙන්නේ. පාන්දර හතරේ ඉඳන් හුඟ දෙනෙක් මේ දවස් වල අස්වැසුම ගිණුම් ආරම්භ කරන්න පෝරම ගන්න ඇල්ල ප්රාදේශීය ලේකම් කාර්යාලයේ පෝලිමේ ඉන්නවා. මේ මිය ගිය අයත් එහෙම පෝලිමේ ඉඳලා. බිම වැටුණට පස්සේ එතන හිටපු අය 1990ට කෝල් කරලා. ගිලන් රථය ඇවිත් බලද්දී මේ පුද්ගලයා මිය ගිය බව දැනගෙන පොලිසියට කිව්වා.
අපි පොලිස් පරීක්ෂණවලින් පසු දේහය එම ස්ථානයෙන් ඉවත් කළා” මේ සිදුවීම පිළිබඳව විමසීමේ දී ඇල්ල පොලිස් ස්ථානයේ අයෙකු පැවසුවා.
