දේශීය සෞඛ්ය විද්යා හා තාක්ෂණ පීඨය සහ දේශීය සමාජ විද්යා හා කළමනාකරණ අධ්යයන පීඨ සිසුන්ගේ පාඨමාලාවල පැවැත්ම සම්බන්ධයෙන් අවිනිශ්චිතතාවක් මතුව තිබෙන බවත් මේ පාඨමාලාවල ගුණාත්මකභාවය සොයා බැලීමට කමිටු 02ක් ස්ථාපිත කර ඇති බවත් යෝග හා පාර මනෝවිද්යාව පිළිබඳ ගෞරව උපාධිය, සෞඛ්ය සංචාරක හා ආගන්තුක සත්කාර කළමනාකරණය සම්බන්ධ ගෞරව උපාධිය, දේශිය ඖෂධ තාක්ෂණය පිළිබඳ ගෞරව උපාධිය, සෞඛ්ය තොරතුරු හා සන්නිවේදන තාක්ෂණය පිළිබඳ ගෞරව උපාධිය, ජීව වෛද්ය තාක්ෂණය පිළිබඳ ගෞරව උපාධිය සහ දේශීය ඖෂධ සම්පත් පිළිබඳ ගෞරව උපාධිය යන උපාධි 6 ගැටලු ඇති බවත් මොවුන් මේ සම්බන්ධයෙන් විසදුම් ඉල්ලා සහ පත්කළ කමිටුවල නිර්දේශ ලබා දීම ප්රමාද වීම නිසා මතුවූ අනිවිශ්චිතතාව හේතුවෙන් සත්යග්රහයක ද නිරතවන බවත් විපක්ෂ නායකවරයා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ පාර්ලිමේන්තුවේදී හේෂා විතාන මහතාගේ සභාපතීත්වයෙන් යුත් අධ්යාපනය පිළිබඳ ආංශික අධීක්ෂණ කාරක සභාවේදී වික්රමාරච්චි දේශීය වෛද්ය විද්යා ආයතනයේ උපාධි උපාධිධාරීන්ගේ ගැටලු සම්බන්ධයෙන් සාකච්ඡාවට ලක් කළ අවස්ථාවේදීය.
මේ සම්බන්ධයෙන් පසුගිය දා තමා හමුවී මේ ගැටලු ඉදිරිපත් කළ බවත් විශ්වවිද්යාල ප්රතිපාදන කොමිසම ද දින නියමයක් නොමැතිව පාඨමාලාවලට සිසුන් ඇතුළත් කර ගැනීම ද නතර කර ඇති නිසා සිසුන් පීඩනයට ලක්ව ඇති බවත් මේවාට ලබා දෙන විසදුම් සිසුන් අපේක්ෂා කරන බවත් විපක්ෂ නායකවරයා මෙහි දී පැවසීය.
2020/2021 කණ්ඩායමට උපාධි ප්රදානෝත්සවයක් පවා සැලසුම් කර ඇති බවත් ප්රමිතියකින් තොරව කමිටු නිර්දේශ නොලැබීම නිසා මතුව ඇති ව්යාකූලත්වය නිසා සිසුන්ට බියක් ඇති බවත් පංච පුද්ගල සහ ත්රිපුද්ගල කමිටු ලෙස කමිටු 2ක් ස්ථාපිත කර ඇති බවත් මේ අවිනිශ්චිතතාව හා ව්යාකූලත්වය දුරලන්න මේ ගැටලු ආංශික අධීක්ෂණ කාරක සභා හමුවට ගෙන ආ බවත් විපක්ෂ නායකවරයා පැවසීය.
මේ සිසුන් තුළ කමිටු වාර්තා ගැන අවිශ්වාසයක් පවා ගොඩනැගී ඇති බවත් අද මේ කතා කරන සාකච්ඡාවේ ප්රතිඵලයක් ලෙස කාලරාමුවක් මත පදනම්ව ප්රශ්නය විසදන සැලසුමක් ඇති කර ගන්නා ලෙසත් මේ නිසා සිසුන් තුළ විශ්වාසය පවා ඇති වන බවත් මාස ගණනක් නොගෙන සිසුන් සමඟ කතා කර කඩිනම් විසඳුමක් කරා යොමුවන ලෙසත් විපක්ෂ නායකවරයා මෙහි දී යෝජනා කළේය.
බාහිර පාර්ශ්වයන් මේ උපාධියේ වලංගුභාවය ගැන ප්රශ්න කළහොත් සිසුන්ගේ උපාධියට වටිනාකමක් නොලැබී යා හැකි බවත් එම නිසා දිනවකවානු සහිතව සිසුන් වෙනුවෙන් කඩිනම් විසදුම් ලබා දෙන ලෙසත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
