දිවංගත ජනාධිපති ශ්රීමත් රණසිංහ ප්රේමදාස මැතිතුමන්ගේ 97වන ජන්ම දිනය නිමිත්තෙන් සමගි ජන බලවේගය විසින් ක්රියාත්මක “විපක්ෂයෙන් හුස්මක්” වැඩසටහන සහ ඊට සමගාමීව සුවපත් දේශයක් බිහි කිරීම අරමුණු කොටගෙන විපක්ෂ නායක සජිත් ප්රේමදාස මහතාගේ සංකල්පයක් මත ක්රියාත්මක ‘ජන සුවය’ ව්යාපෘතියෙන් සිදුකරන ලද සමාජ සත්කාර වැඩසටහනෙහි 17 වන පියවර ලෙස රුපියල් තිස් හය ලක්ෂ විසි නමදහසක (රු.3,629,000.00) වටිනා රෝහල් උපකරණ බලපිටිය මූලික රෝහලට අද (23) පරිත්යාග කරනු ලැබීය.
එහි අධ්යක්ෂ වෛද්ය බී.ජී.ඒ. චන්දන රත්නසිරි මහතා විසින් එම පරිත්යාගය භාරගනු ලැබීය. ඒ අනුව රු.825,000.00 ක් වටිනා Multipara monitors (Edan iM60 patient Monitors) තුනක්, රු.250,000.00 වටිනා Multipara monitor (Edan iM60 patient Monitors) යන්ත්රයක්, රු 2,400,000.00 වටිනා Optiflow Nasal Therapy යන්ත්රයක් දෙකක්, රු. 110,000.00 වටිනා Pulse Oximeter, රු.44,000.00 වටිනා Cannula උපකරණ 8ක් මෙලෙස පරිත්යාග කරනු ලැබීය.
කොරෝනා ව්යසනය හේතුකොටගෙන පීඩාවට පත් ජනතාවට සෞඛ්යමය සහන සලසනු වස් සමගි ජන බලවේගයේ මන්ත්රී කණ්ඩායම, සංවිධායකයින්, සාමාජිකයින්, සමගි ජනබලවේගයේ විදේශීය ශාඛා, දෙස් විදෙස් ආධාරකරුවන් සහ “ජනසුවය” ව්යාපෘතිය එක්ව “විපක්ෂයෙන් හුස්මක්” වැඩසටහන ක්රියාත්මක කරයි.
