බුදු සසුන සුරක්ෂිත කිරීමට සහ පෝෂණය කිරීම කට වචනයට පමණක් සීමා වී ඇති වකවානුවක මහියංගන රජ මහා විහාරස්ථානයේ විහාරාධිපති නාහිමිපාණන් වහන්සේ ක්රියාවෙන්ම ඒ කටයුත්ත සිදු කරමින් සිටින බව විපක්ෂ නායක සජිත් ප්රේමදාස මහතා පැවසීය.
සිඟාලෝවාද සූත්රය, වසල සූත්රය, පරාභව සූත්රය වැනි විවිධ සූත්ර මඟින් පහ ලෝකයාට මෙන්ම මුළුමහත් සමාජයටම කටයුතු කළ හැකි ආකාරය පිළිබඳව මනා උපදෙස් ලබා දී ඇති බව පැවසූ විපක්ෂ නායකතුමා මහියංගනයේ පැවති මේ සුවිශේෂී පුණ්යකර්මය වැවයි දාගැබයි ගමයි පන්සලයි යන සංකල්පය ප්රායෝගික වූ අවස්ථාවක් බවද පැවසීය.
මහියංගන රාජමහා විහාරස්ථානයේ පැවැති ආගමික රාජ්ය උත්සවයට එක්වෙමින් විපක්ෂ නායකතුමා අද(28) මේ බව පැවසීය.
ඓතිහාසික මහියංගන චෛත්ය රාජාණන් වහන්සේගේ ප්රතිසංස්කරණ කටයුතු අවසන් කිරීම, මහියංගනය පූජා භූමියේ පවතින විල්ලවපිටිය වැව මධ්යයේ පිහිටි ශ්රී ලංකාවේ විශාලතම බුද්ධ ප්රතිමා වහන්සේ විවෘත කිරීම, මහියංගනේ පූජා භූමියක් වශයෙන් ලියාපදිංචි කරන ලද සන්නස් පත්රය පිළිගැන්වීම වැනි පින්කම් කටයුතු රැසක් අද එම පරිශ්රයේදී පැවැත්විණි.
