කුවේට් ජාතික තෙල් සමාගමට (KPC) අයත් මිනා අල් අහමදි පිරිපහදුව ඉලක්ක කර ගනිමින් අද (03) උදෑසන එල්ල වූ ඩ්රෝන ප්රහාරයක් හේතුවෙන් එහි මෙහෙයුම් ඒකක කිහිපයක දැවැන්ත ගින්නක් හටගෙන ඇති බව එරට නිල පුවත් ඒජන්සිය වන කුනා (KUNA) වාර්තා කරයි. හදිසි අනතුරු අංශ සහ ගිනි නිවන කණ්ඩායම් මේ වන විට ගින්න පාලනය කිරීම සඳහා දැඩි උත්සාහයක නිරත වෙමින් සිටිති.Sri Lanka Latest News
ඉරාන – ඊශ්රායල යුද්ධයේ ව්යාප්තියක් ලෙස සැලකෙන මෙම ප්රහාරයත් සමඟ කුවේට් ගුවන් ආරක්ෂක අංශ විසින් එරට දෙසට පැමිණි මිසයිල සහ ඩ්රෝන යානා කිහිපයක් අතරමගදී විනාශ කිරීමට පියවර ගෙන තිබේ. මේ අතර අසල්වැසි බහරේනය තුළ ද අනතුරු ඇඟවීමේ සංඥා (Sirens) නාද වී ඇති අතර, වහාම ආරක්ෂිත ස්ථාන කරා යන ලෙස එරට අභ්යන්තර කටයුතු අමාත්යාංශය වැසියන්ට දැනුම් දී ඇත.
ප්රහාරය හේතුවෙන් පිරිපහදුවේ මෙහෙයුම්වලට බාධා එල්ල වී ඇති නමුත් මෙතෙක් ජීවිත හානි පිළිබඳව වාර්තා වී නොමැත. මැදපෙරදිග කලාපයේ බලශක්ති මධ්යස්ථාන ඉලක්ක කර ගනිමින් එල්ල වන මෙම ප්රහාර මාලාව ගෝලීය තෙල් වෙළඳපොළට ද දැඩි බලපෑමක් එල්ල කරනු ඇතැයි අපේක්ෂා කෙරේ.
