සමගි ජන බලවේග ප්රධාන කාර්යාලයේ පැවැති මාධ්ය හමුවට සහභාගි වූයේ දුෂණ විරෝධි බලවේගයේ කැදවුම්කරු නිරෝෂන් පාදුක්ක මහතා,Sri Lanka Latest News
වැඩිදුරටත් අදහස් දැක්වූ ඒ මහතා මෙසේද පැවැසීය,
‘‘ශ්රේෂ්ඨාධිකරණයේ සහ අභියාචනාධිකරණයේ විනිසුරුවරුන්ගේ විශ්රාම යන වයස සම්බන්ධයෙන් 1972 සහ 1978 ආණ්ඩුක්රම ව්යවස්ථාවල සඳහන් වී තිබුණා. ඒ වගේම ශ්රේෂ්ඨාධිකරණ විනිසුරුවරයෙක් අවුරුදු 65 න් අභියාචනාධිකරණ විනිසුරුවරයෙක් අවුරුදු 63 න් විශ්රාම ගත යුතු බව සඳහන් වෙනවා. කෙසේ නමුත් වර්තමාන ආණ්ඩුව ශ්රේෂ්ඨාධිකරණ සහ අභියාචනාධිකරණ විනිසුරුවන්ගේ විශ්රාම යාමේ වයස දීර්ඝ කිරීමට තිරණය කර තිබෙනවා. නමුත් ජනාධිපති අනුර දිසානායක විපක්ෂයේ සිටින විට මේ සම්බන්ධයෙන් කිසිදු දෙයක් ප්රකාශ කළේ නැහැ.
ඒ වගේම ආණ්ඩුක්රම ව්යවස්ථාවේ 20 සංශෝධනය අනුව අග්රවිනිශ්චයකරු සමඟ විනිසුරුවරු සිටියේ 11 දෙනයි. එය 19 ක් දක්වා වැඩි වුණා. ඒ වගේම අභියාචනාධිකරණයේ විනිසුරුවරු සිටියේ 12 දෙනෙයි. එය 20 දක්වා වැඩි වුණා. කෙසේ නමුත් පසුගිය මාස කිහිපය තුළ විනිසුරුවරුන්ගේ පුරප්පාඩු 8 ක් ඇති වී තිබෙනවා. ඒ පුරප්පාඩු සඳහා ජනාධිපතිවරයා විසින් තවම නම් නිර්දේශ කරලා නැහැ. ඒ වගේම ව්යවස්ථාදායක සභාව විනිසුරුවරුන්ගේ නම් එවන ලෙස ජනාධිපතිවරයාට දන්වා තිබෙනවා. එවැනි තත්ත්වයක් තුළ විනිසුරුවරුන්ගේ විශ්රාම වයස වැඩි කරන්න ජනාධිපතිවරයා ප්රමුඛ ආණ්ඩුව කටයුතු කරනවා.
ඒ වගේම නොවැම්බර් මාසයේ අග්රවිනිශ්චයකාරවරයා විශ්රාම යා යුතුයි. කෙසේ නමුත් විශ්රාම වයස වැඩි කළ යුත්තේ ශ්රේෂ්ඨාධිකරණ විනිසුරුවන්ගේ පමණයිද? රටේ සිටින මහේස්ත්රාස් උසාවිවල විනිසරුවරු , වෛද්යවරු , රාජ්ය සේවයේ උසස් නිලධාරින්ගෙත් විශ්රාම වයස වැඩි කළ යුතුයි.
ඒ වගේම පොහොසත් රටක් ලස්සන ජිවිතයක් ප්රතිපත්ති ප්රකාශනයේ නව ආණ්ඩුක්රම ව්යවස්ථාවක් ගෙන එන බව සඳහන් කර තිබෙනවා. එහා කාරණා 16 ක් සඳහන් වෙනවා. අගවිනිසුරුගේ වයස වැඩි කරන බව එහි සඳහන් වෙන්නේ නැහැ. ඒ වගේම මීට පෙර සිටි කිසිදු ජනාධිපතිවරයෙක් අගවිසුරුගේ සේවා කාලය වැඩි කරන්න කටයුතු කළේ නැහැ. කෙසේ හෝ පොහොසත් රටක් ලස්සන ජිවිතයක් ප්රතිපත්ති ප්රකාශනයේ සඳහන් වෙනවා විධායක ජනාධිපතිධුරය අහෝසි කරනවා කියලා. එයයි සිදුවිය යුත්තේ. නමුත් ජනාධිපති අනුර දිසානායක එවැන්නක් සිදුකරන්නේ නැහැ.
ඒ වගේම අගවිනිසුරුවරයා විශ්රාම යාමෙන් පසු රටේ අධිකරණ පද්ධතිය කඩාගෙන වැටෙන්නේ නැහැ. අගවිනිසුරුවරයාගේ සේවා කාලය දිර්ඝ කිරිමේ අධිකරණයට සෘජු බලපෑමක් එල්ල වෙනවා. කෙසේ හෝ අධිකරණ පද්ධතිය දේශපාලනිකරණය වී තිබෙන බවක් පෙනෙන්න තිබෙනවා. අගවිනිසුරුවරයාගේ සේවා කාලය දිර්ඝ කිරිමේ අශ්යතාවය තිබෙන්නේ ආණ්ඩුවටයි.
ඒ වගේම මේ අවස්ථාවේදී රටේ සිවිල් සංවිධාන , නීතිඥ සංගමය , බුද්ධිමතුන් සහ මහජනතාව මේ සම්බන්ධයෙන් දැඩි විරෝධයක් දක්වනවා. ඒ වගේම ජනාධිපතිවරයාගේ මෙම කටයුත්ත ඔහුගේ පාලනයට අයහපත් වෙනවා. ඒ වගේම ජනතාව බහුතර බලයක් ආණ්ඩුවට ලබාදී තිබෙන්නේ ප්රතිපත්ති ප්රකාශනයේ තිබෙන දේවල් කරන්නයි. ආණ්ඩුක්රම ව්යවස්ථාව සංශෝධනය කරලා අධිකරණයට බලපෑම් කිරිම නතර කළ යුතුයි. ඒ වගේම ජනාධිපතිවරයා සහ ආණ්ඩුව අධිකරණයේ ස්වාධීනත්වයට සිදුකරන බලපෑමට එරෙහිව සමගි ජනබලවේගය සහ සමගි ජනබලවේගයේ නීතිඥ සංගමය ගතයුතු සියුලම ක්රියා මාර්ග ගනු ලබනවා.
