මෙරට පේෂ කර්මාන්ත ඉතිහාසය තුළ වසර 52කට ආසන්න කාලයක් ඉතා සාර්ථක ව්යාපාරයක් ලෙස ශල්ය ගෝස් නිෂ්පාදනය හැඳින්විය හැකි බවත් මේ කර්මාන්තයේ නිෂ්පාදකයන් 250කට ආසන්න ප්රමාණයක් සිටින බවත් ඔවුන් යටතේ 5000කට ආසන්න පිරිසක් සේවය කරන බවත් විපක්ෂ නායකවරයා පැවසීය. නමුත් පසුගිය කාලයේ ලංකාවට අවශ්ය ශල්ය ගෝස් සැපයීම සිදු කළත් මෑත කාලිනව රජය විසින් විදේශීය සමාගමකට එම ශල්ය ගෝස් නිෂ්පාදනය සඳහා වන ටෙන්ඩරයක් ලබා දී ඇති බවත් මේ හේතුවෙන් දේශීය නිෂ්පාදකයන් අධෛර්මත් වී ඇති බවත් විපක්ෂ නායක සජිත් ප්රේමදාස මහතා අද (7) පාර්ලිමේන්තුවේ දී හෙළි කළේය.
2022 ජුලි 22 දින පළමු වතාවට මීටර් මිලියන 12ක ටෙන්ඩරයක් ලබා දී ඇති බවත් මේ හේතුවෙන් ගෝස් මීටර් මිලියන 6ක් අතිරේක ආරක්ෂක තොගයක් ලෙස සැපයීමට දේශීය නිෂ්පාදකයන්ට තිබූ හිමිකම ද අහිමි වී ඇති බවත් රහසේ ඉදිරිපත් කළ විදේශීය ටෙන්ඩරය නිසා දේශීය නිෂ්පාදකයන්ට ලන්සු ඉදිරිපත් කිරීමට අවස්ථාව අහිමි වී ගොස් ඇති බවත් දිගින් දිගටම මෙවැනි සිදු වීම් සිදුවුව හොත් දේශීය නිෂ්පාදන කර්මාන්ත වැසී යා හැකි බවත් විපක්ෂ නායකවරයා තවදුරටත් අවධාරණය කළේය.
sajith premadasa
