වෛද්ය සමන් රංජිත් වීරසිංහ මහතාට රුසියානු සමූහාණ්ඩුවේ ජනාධිපති ව්ලැඩ්මීර් පුටින් මහතා විසින් “මිත්රත්වය සදහා වූ රුසියානු රාජ්ය සම්මානය” 2025 නොවැම්බර් 04 දින පිරිනමා තිබේ.Sri Lanka Latest News
රුසියාව සිවිල් පුරවැසියෙකුට පිරිනමන ඉහළම ගෞරව නාමයක් ලෙස “මිත්රත්වය සදහා වූ රුසියානු රාජ්ය සම්මානය” සැළකෙයි.
දශක ගණනක් පුරා ශ්රී ලංකාව සහ රුසියාව අතර රාජ්ය තාන්ත්රික, සංස්කෘතික සහ ආර්ථික සම්බන්ධතා ශක්තිමත් කිරීමට ඉටු කළ සේවය අගයමින් වෛද්ය සමන් වීරසිංහ මහතාට මෙම ගෞරව සම්මානය පිරිනමා තිබේ.
මේ අනුව 2025 වර්ෂයේ දී මෙම සම්මානය ලැබූ එකම ආසියානු ජාතිකයා බවට වෛද්ය සමන් වීරසිංහ මහතා පත්ව තිබේ.
මෙම සම්මාන ප්රදානය ශ්රී ලංකාවේ ගෝලීය රාජ්ය තාන්ත්රික පැවැත්ම සඳහා වැදගත් සන්ධිස්ථානයක් සනිටුහන් කරයි.
මොස්කව් වෛද්ය විද්යාලයේ ගෞරව උපාධිධාරියෙකු වන වෛද්ය සමන් වීරසිංහ මහතා රුසියානු සමූහාණ්ඩුවේ ශ්රී ලංකා තානාපති ලෙස (2015 – 2018) සේවය කළ අතර දැනට ශ්රී ලංකා-රුසියානු මිත්රත්ව සංගමයේ මහ ලේකම් සහ කොළඹ රුසියානු භූගෝලීය සංගමයේ සභාපති යන තනතුරු දරයි. ඔහුගේ නායකත්වය, දෙරට අතර සංස්කෘතික හුවමාරුව, සහයෝගීතාවය සහ කල් පවත්නා අන්යෝන්ය මිත්රත්වය වර්ධනය කිරීම සදහා මහෝපකාරී වී ඇත.
