ශ්රී ලංකාවේ ගද සුවද හදුනාගත හැකි එකම රට වන ඉන්දියාව විසින් සජිත් ප්රේමදාස මහතා ඉන්දියාවට ගෙන්වාගෙන ඉහළ පිළිගැනීමක් ලබා දී ඇති බව නිරෝෂන් පාදුක්ක මහතා පැවසීය.Sri Lanka Latest News
ඒ මහතා මෙසේද කීය.
‘සජිත් ප්රේමදාස මහතා ඉන්දියානු රජය විසින් සිදුකළ නිල ආරාධනයකට අනුව ඉන්දියාවට ගොස් තිබෙනවා. ශ්රී ලංකාවේ ගද සුවද ඉක්මනින් හඳුනාගන්න පුලුවන් එකම රට ඉන්දියාව. සජිත් ප්රේමදාස මහතා ඉන්දියාවට ගොස් තිබෙන්නේ වැදගත් සාකච්ඡා කිහිපයකට. ඔහු ඉන්දියානු මුදල් ඇමැතිවරිය සමඟ සාකච්ඡා පවත්වා තිබෙනවා. ඒ වගේම ඉන්දියාවේ ව්යාපාරිකයින් සමඟ සාකච්ඡා පවත්වා තිබෙනවා. ඉන්දියාවට ගියේ ශ්රී ලංකාවේ විපක්ෂ නායකයා. ලංකාවේ වෙනසට අවශ්ය නායකත්වය තමයි ඉන්දියාවට ගොස් තිබෙන්නේ.
ඒ වගේම අනුර දිසානායක මහතා සහ ඉන්දියාව සමඟ අත්සන් කළ ගිවිසුම් 7 වත් රටට හෙළි කළේ නැහැ. සජිත් ප්රේමදාස මහතා තමයි ශ්රී ලංකාවේ කඩාගෙන වැටෙන ආර්ථිකය ගොඩ ගන්න හැකියාව තිබෙන්නේ. අද්දැකිම් , පලපුරුද්ද නැති නායකයන් විසින් බිද දමන ආර්ථිකය ගොඩ ගැනිමට සිටින එකම විකල්ප නායකයා සජිත් ප්රේමදාස පමණයි. ඒ බව ඉන්දියාව හඳුනාගෙන තිබෙනවා. ඒ වගේම සජිත් ප්රේමදාස මහතා පක්ෂයට එකතු වුණ මුදල් වලින් රටේ පාසල් 300 කට සුහුරු පන්තිකාමර ලබාදුන්නා. නමුත් ආණ්ඩුව රටේ එක පාසලකට එක සුහුරු පන්තියක්වත් ලබාදිලා නැ. නමුත් රජයට වැඩි වාහන විකුණලා ඒ මුදල් වලින් පාසල් හදන බව ආණ්ඩුව ප්රකාශ කළා. අධ්යාපනය වෙනුවෙන් කිසිවක් ආණ්ඩුව සිදුකරලා නැහැ.
