2027 මාර්තු මාසයේ දී IMF ගිවිසුම් අවසන් වී රටට ලැබෙන්න ඇති විස්තීරණ ණය පහසුකම් පවා නැති වන බවත් 2028 ජනවාරි සිට ඇ. ඩොලර් බිලියන 2.5 සිට 3.5 දක්වා විදේශ ණය ගෙවීමට රටට සිදුවන බවත් මේ තත්ත්වය තුළ කුමන යම් හෝ මොහොතක ණය ගෙවීම සිදුකළ නොහැකි වුවහොත් අප රට බරපතල ඛේදවාචකයන් රැසකට මුහුණ දෙන්න සිදුවන බවත් එවැනි ඛේදනීය අවස්ථාවක් නිර්මාණය වෙන්න පෙර ඒවා වළක්වා ගන්න අවශ්ය සුදුසු ක්රියාමාර්ග ප්රතිපත්ති ක්රියාත්මක කළ යුතු බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ මහා විහාර වාංශික ශ්රී ලංකා අමරපුර අරියවංස සද්ධම්ම යුත්තික පාර්ශ්වයේ ශ්රීමත් මහා නායක ධූරයට අදාළ සන්නස්පත්රය පෑලියගොඩ ගංගාරාමාධිපති අග්ග මහා සද්ධම්මජෝතිකධජ ධම්මසේනාධිපති භාෂාන්තර විශාරද ආචාර්ය පූජ්ය වල්පොළ විමලඥාන නා හිමියන් වෙත පූජා කිරීම සම්බන්ධයෙන් කොළඹ බණ්ඩාරනායක ජාත්යන්තර සම්මන්ත්රණ ශාලාවේ පැවැති උත්සවයක් අමතමිනි.
අප රට අධිරාජ්යවාදී බලවේග ආක්රමණය කර, පරසතුරු බලවේග අප රට යටත් විජිතවාදයට ලක් කරන විට ගෞරවනීය මහා සංඝරත්නය ඒ කාලයේ රටට නායකත්වය ලබා දුන් රජවරුන් සමඟ අත්වැල් බැඳගෙන දේශයේ සුරක්ෂිතභාවය තහවුරු කරන්න කළ විශිෂ්ට කැපවීම අදටත් මතක් වෙන බවත් එදා සෘජු අධිරාජ්යවාදය ක්රියාත්මක වූ අතර එහි දී රට ආක්රමණය කර රට යටපත් කර රටේ සෛරීත්වයට භෞමික අඛණ්ඩතාවට මරු පහරවල් එල්ල කළත් අද සෘජු අධිරාජ්යවාදය වෙනුවට වක්ර අධිරාජ්යවාදයක් ක්රියාත්මක බවත් ආර්ථික, සමාජීය, වෙළෙද සබඳතා ඇතුළු විවිධ ක්රමවේද උපයෝගී කර ගෙන ලෝකයේ සිදුවන බොහෝ දේශපාලන පෙරලීන් තුළ අප රටට අධිරාජ්යවාදී බලපෑම් එල්ල වන බවත් එය වක්ර අධිරාජ්යවාදය ලෙස ද හැඳින්විය හැකි බවත් විපක්ෂ නායකවරයා පැවසීය.
ලෝකයත් සමඟ අප කරන ගණුදෙනුවලින් 90%ක්ම රටේ සෛරී භාවයට අදාළ කොන්දේසි කඩ කරලා
රටේ ආණ්ඩුක්රම ව්යවස්ථාවේ උත්තරීතර නීතියට අනුව අප රට සෛරී රටක් වන අතර භෞමික අඛණ්ඩතාව, දේශපාලන නිදහස සහ ඒකීයභාවය ඇති නමුත් මේ අවස්ථාවේ රටේ උද්ගත වි ඇති තත්ත්වය තුළ විවිධාකාරී ව්යවසනකාරී තත්ත්වයක් ඇතිව තිබෙන මොහොතේ රටක් ලෙස අප කොතෙක් දුරට සෛරී ද කියා ගැටලුවක් ඇති බවත් මේ වන විට ලෝකයේ විවිධ අංශ සමඟ අප රට සිදු කරන ගණුදෙනුවලින් 90%කට වැඩි ප්රමාණයකට වඩා අප රටේ සෛරී භාවයට අදාළ කොන්දේසි කෙලෙසමින් ඒ ගනුදෙනු සිදුවන බවත් එයට හේතුව වක්ර අධිරාජව්යවාදය ක්රියාත්මක වීම බවත් විපක්ෂ නායක සජිත් ප්රේමදාස මහතා පැවසීය.
රටට උචිත රට සුරක්ෂිත කරන පොදු මතයක අප සිටිය යුතුයි
මෙය අප රටට බරපතල අභියෝගයක් බවත් ප්රශ්න රැසක් නිර්මාණය වී රටක් ලෙස අපේ පැවැත්ම සම්බන්ධයෙන් ගෙන බලන විට අසීමිත ලෙස බරපතල අවදානම් රැසකට අප රට මුහුණ දෙන බවත් මේ අවදානම්වලට මුහුණ දෙන විට අප තුළ කුමන වෙනස්කම් පරස්පරතා තිබුණත් රටට උචිත රට සුරක්ෂිත කරවන රට ආරක්ෂා කරවන පොදු මතයක, න්යායක හා ස්ථාවරයක සිටිය යුතු බවත් විපක්ෂ නායකවරයා පැවසීය.
රටේ දුප්පත්කම 30%ක් වන විට ළමා මන්දපෝෂණය 20%යි
මේ දැඩි අවදානම් තත්ත්වය තුළ අප රටේ ජනතාව අතිශය ලෙස දුප්පතුන් බවට පත්ව ඇති බවත් දුගී දුප්පත්කම 30-40% අතර ප්රමාණයක් වී ඇති බවත් 20%ක අපේ දූදරුවන් මන්දපෝෂණයට ලක්ව ඇති බවට සෞඛ්ය අමාත්යාංශය කියන බවත් දිනෙන් දින රැකියා කඩා වැටී ක්ෂේත්ර ගණනාවක බිද වැටීම් සිදුවන මොහොතේ වක්ර අධිරාජ්යවාදී බලපෑම් පරාජය කරමින් තනියම සිටගත හැකි රටක් අප නිර්මාණය කළ යුතු බවත් ඒ සඳහා වාද භේද නොතකා රට සුරක්ෂිත කළ යුතු බවත් විපක්ෂ නායකවරයා පැවසීය.
රට වෙනුවෙන් අපි එකතු විය යුතුයි
එකතුවීම යනු තමන්ගේ වාසිය ඔ්නෑ එපාකම් මත සිදුවන එකතුවීම් නොව රට ගැන සිතා රටට සුදුසු දේ යෝජනා කරන රටට අවාසිදායක තත්ත්වයන් ඇත්නම් ඒවා මඟහරවා ගැනීමට කටයුතු කිරීම සිදුවිය යුතු බවත් වගකිවයුතු විපක්ෂයක් ලෙස සමගි ජන බලවේගය ද කරන්නේ එය බවත් විපක්ෂ නායකවරයා පැවසීය.
භූ දේශපාලනයේ කෙළිබිමක් වූ අප රට ගොඩනගන්න එකතු වන්න
වක්ර අධිරාජ්යවාදය පරාජය කරන්න උතුම් මහ සගරුවනේ නායකත්වය හා ශක්තිය අවශ්ය බවත් එදා රට පාලනය කළ රජවරුන් සමඟ එකට එකතු වී රට බේරා ගන්න මහා සංඝරත්නය සිදු කළ උතුම් සේවාව අද දිනද ඉටු කරන ලෙස ගෞරවයෙන් ඉල්ලා සිටින බවත් භූ දේශපාලනයේ කෙළිබිමක් වී ඇති අප රට ගොඩගන්න මහා සංඝරත්නයේ යෝජනා අනුශාසකත්වය අවශ්ය බවත් විපක්ෂ නායකවරයා වැඩිදුරටත් පැවසීය.
