ශල්ය උපකරණ ඉහළ මිල ගණන් වලට රෝගීන්ට විකිණීම තුළින් දූෂණය නමැති වරද සිදු කළේ යැයි සැකපිට අත්අඩංගුවට ගෙන රක්ෂිත බන්ධනාගාර ගත කර සිටින ශ්රී ජයවර්ධනපුර රෝහලේ විශේෂඥ වෛද්ය මහේෂි විජේරත්න ඇප මත මුදා හරින ලෙස කොළඹ මහේස්ත්රාත් අධිකරණය නියම කළා. Sri Lanka Latest News
අල්ලස් කොමිසමේ නිලධාරීන් සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්රධාන මහේස්ත්රාත් තනූජා ලක්මාලී ජයතුංග මෙම නියෝගය නිකුත් කළා.
ඒ අනුව සැකකාරිය රුපියල් 50000/- ක මුදල් ඇප සහ රුපියල් මිලියන පහ බැගින් වූ ශරීර ඇප දෙකක් මත මුදා හැරීමට නියෝග කළා.
ඇයට ශ්රී ජයවර්ධනපුර රෝහලට ඇතුලු වීමද තහනම් කෙරුණු අතර විදේශ ගමන් තහනම් කිරීමට ද නියෝග කළ බවයි වාර්තා වන්නේ.
