බාල ගල්අඟුරු ගෙන්වීමට කටයුතු කිරීම සහ අධිකරණයක් හමුවේ නඩු පවරා තිබියදී අමාත්ය ධුරයේ කටයුතු කිරීම ඇතුළු චෝදනා කීපයක් මුල්කරගෙන විදුලිබල හා බලශක්ති අමාත්ය කුමාර ජයකොඩි මහතාට එරෙහිව ඉදිරිපත් කොට ඇති විශ්වාසභංග යෝජනාව ලබන 10 වැනිදා විවාදයට ගැනීමට නියමිතව තිබේ.Sri Lanka Latest News
ඒ අනුව, එදිනට පැවැත්වෙන විශ්වාසභංග යෝජනා විවාදයට සමගාමීව ආණ්ඩුවට එරෙහි ක්රියාමාර්ගයන් රැසක්ම දියත් කිරීමට සමගි ජන බලවේගය ප්රමුඛ විපක්ෂය මේ වනවිට සැලසුම් කරමින් සිටින බවක් දැනගන්නට ඇත.
ඒ අනුව පසුගිය සතියේදී විපක්ෂ නායක සජිත් ප්රේමදාස මහතා සහ විපක්ෂයේ අනෙකුත් සියලු පක්ෂ නායකයන් අතර මේ සම්බන්ධයෙන් විශේෂ සාකච්ඡා වට ගණනාවක් පැවැත්වී ඇති බවක් දැනගන්නට තිබේ.
මෙහිදී සියලු පක්ෂ ඒකාබද්ධව කුමාර ජයකොඩි මහතාට එරෙහි විශ්වාසභංගයේදී කටයුතු කළ ආකාරය පිළිබඳ දීර්ඝ අදහස් හුවමාරුවක් සිදුව ඇති බවක් වාර්තා වේ.
කෙසේ වෙතත් අමාත්ය කුමාර ජයකොඩි මහතාට එරෙහිව විපක්ෂය විසින් පාර්ලිමේන්තුවේදීත්, ඉන් පිටතදීත් ගෙන ගිය දැවැන්ත විරෝධය හමුවේ විශ්වාසභංග විවාදය පැවැත්වීමට ප්රථම ඒ මහතා ඇමැති තනතුරෙන් ඉවත් කරන ලෙස ජනාධිපතිවරයා වෙත ආණ්ඩුව ඇතුළෙන්ම ඉල්ලීම් කීපයක්ම ඉදිරිපත්ව තිබූ බවක්ද දැනගන්නට ඇත.
කෙසේ වෙතත් ඇතැම් ආරංචි මාර්ගවලින් කියැවුණේ කුමාර ජයකොඩි මහතා අමාත්ය තනතුරෙන් ඉවත් කිරීමට ජනාධිපතිවරයා කිසිසේත්ම සූදානම් නොමැති බවකි.
එසේ වුවත් පක්ෂය ඇතුළෙන් එල්ල වී ඇති ප්රබල බලපෑම හමුවේ අවසන් මොහොතේ ජනාධිපතිවරයා ඊට එකඟතාව පළකොට ඇති බවක්ද ඇතැම් ආරංචි මාර්ගවලින් දැනගන්නට ඇත.
කෙසේ වෙතත් විශ්වාසභංග යෝජනා විවාදය පැවැත්වීමට නියමිත ලබන 10 වැනිදාට ප්රථම කුමාර ජයකොඩි මහතා අමාත්ය තනතුරෙන් ඉවත් වීමට කටයුතු කළද, නොකළද ලබන 10 වැනි දින ආණ්ඩුවට එරෙහිව විශේෂ මෙහෙයුම් කිහිපයක්ම දියත් කිරීමට සජබය ප්රමුඛ විපක්ෂය මේ වනවිට තීන්දු කොට ඇත.
