අල්ලස් ඉල්ලන අය කැබිනට් මණ්ඩලයේ තවමත් සිටින නිසා ජපානයේ රාජ්ය හා පෞද්ගලික සමාගම් ශ්රී ලංකාවේ ආයෝජනයට එන්නේ නැතැයි ජපන් නියෝජිතයන් තමාට පවසන බව ජනාධිපති අපේක්ෂක විජයදාස රාජපක්ෂ මහතා හෙළිකරයි. (Sri Lanka Latest News)
මෙය තමාට මෙන්ම රටට ලැජ්ජාවට කරුණක් බවද රාජපක්ෂ මහතා පෙන්වා දෙයි.
ගෝඨාභය ජනාධිපතිගේ කාලයේදී මෙරට ආයෝජනයට පැමිණි ජපන් සමාගමකින් රුපියල් කෝටි 800ක අල්ලසක් ඉල්ලූ ඇමැතිවරයෙකුට රනිල් වික්රමසිංහ ජනාධිපතිවරයා වරාය සහ ගුවන් තොටුපළ ඇමැති ධුර දෙකක්ම පිරිනැමූ බවද විජයදාස රාජපක්ෂ මහතා පවසයි.
ගෝඨාභය රාජපක්ෂ මහතා ඒ ඇමැතිවරයා තනතුරෙන් පහකළ යුතුව තිබූ බවත්, එසේ නොකළ නිසා ජපන් රජය ලංකාවේ ආයෝජනය නතර කර දැමූ බවත් රාජපක්ෂ මහතා කියයි. තමා ඇතැම් පනත්වලට අත ඉස්සුවේ ඒ පනත්වල තිබෙන දේවල් නොදැන බවද ජන හමුවක් අමතමින් රාජපක්ෂ මහතා කියා සිටියේය.
