මස්කෙළිය ගුලැනූජී තේ වතුයායේ, තේ පඳුරු අතර සැඟව සිටියදී හමු වු කඳුකර කොටි පැටවුන් දෙදෙනකු කොටි මවට රැගෙන යාමට ලබාදීමේ මෙහෙයුමක වනජීවී නිලධාරීන් යෙදුන බව වාර්තාවේ. (Sri Lanka Latest News)
මෙහෙයුම් (17) හා (18) යන දිනවල සිදු කරමින් පැවතුණි.
වතුයායේ සේවය කරනු ලැබු කම්කරුවන් පිරිසක් විසින් මෙම කොටි පැටවුන් දෙදෙනා තේ පඳුරු යට සැඟව සිටියදී 17 දා සොයා ගෙන ඇති අතර,පසුව ඔවුන් එම පැටවුන් දෙදෙනා නල්ලතන්නිය වනජීවී කාර්යාලයේ නිලධාරීන්ට භාරදීමට පියවර ගෙන තිබිණි.
පශු වෛද්යවරයෙකු ප්රමුඛ වනජීවී නිලධාරී කණ්ඩායමක් පැමිණ මෙම පැටවුන් දෙදෙනා සිය කොටි මවට භාරදීමට අවශ්ය කටයුතු කළහ.
දිවා කාලයට කොටි මව මෙසේ පැටවුන් ආරක්ෂිත ස්ථාන වල සඟවා ආහාර සොයා ගැනීමට යන බවත්, ජනතාව ඔවුන් අතරමංව ඇති පැටවුන් ලෙස සිතා අල්ලා ගැනීමට කටයුතු කර ඇති බවත් වනජීවී නිලධාරීහු පවසති.
මිනිසුන් ඇල්ලීම නිසා මව් සතුන් මෙම පැටවුන් රැගෙන යාම ප්රතික්ෂේප කරන බවත්, කොටි මව ලබාදෙන පෝෂණය සියයට සියයක් වනජීවී නිලධාරීන්ට ලබාදීමට නොහැකි බවත් ඔවුහු කියති.
තේ පඳුරු හා කුඩා කැළෑ බිම් ආශ්රිතව සිටියදී හමුවන කොටි පැටවුන් ඇල්ලීමට යාමෙන් වැළැකී හැකිතාත් එම ස්ථානයෙන් ඉවත්ව යන ලෙසත්, එසේ වුවහොත් ඉන් අනතුරුව කොටි මව පැමිණ එම පැටවුන් රැගෙන යාමට පියවර ගන්නා බවත් වනජීවී නිලධාරීහු සඳහන් කරති.
gossiplankanews
