22 වන ව්යවස්ථා සංශෝධනයට ජන්දය ලබා දීමට නම් පොහොට්ටුව පාර්ශ්වයෙන් කොන්දේසි දෙකක් ඉදිරිපත් කිරීමට පියවර ගෙන ඇත.
එම කොන්දේසි දෙක වන්නේ ද්විත්ව පුරවැසි බව තවදුරටත් පැවතීම සහ වසර හතරහමාරක් යන තුරු පාර්ලිමේන්තුව විසුරුවා හැරිය නොහැකි වීමය.
එම කොන්දේසි දෙක ඉටු නොකරන්නේ නම් 22 වන ව්යවස්ථා සංශෝධනයට ජන්දය ලබා දිය නොහැකි බව පොහොට්ටුව ආණ්ඩුවේ බලධාරීන්ට දැනුම් දීමට පියවර ගෙන ඇත.
පසුගිය සතියේ පැවැති පක්ෂ නායක රැස්වීමේදීද මේ සම්බන්ධයෙන් සාකච්ජා වී ඇති අතර ඊට පළමු වතාවට නීතිපතිවරයාද සහභාගීව සිට ඇති බව පැවසේ.
එහිදී නීතිපතිවරයා පෙන්වා දී ඇත්තේ වසර හතරහාමාරක් යනතුරු පාර්ලිමේන්තුව විසුරුවා හරින බවට වූ වගන්තිය ඇතුළත් කළ හැකි බවකි.
එමෙන්ම ජනාධිපති රනිල් වික්රමසිංහ මහතාද ඊයේ පැවැති ආණ්ඩු පක්ෂ රැස්වීමේදීී සදහන් කොට තිබුණේ වසර හතරහමාරක් යන තුරු පාර්ලිමේන්තුව විසුරුවා හැරීමට තමන් කටයුතු නොකරන බවකි.
