නියමිත පරිදි ගල් අඟුරු ආනයනය කර ගත නොහැකි වුවොත් එළැඹෙන වසරේ පැය අටත් දහයත් අතර දීර්ඝ විදුලි කප්පාදුවකට යාමට සිදුවන බව මහජන උපයෝගිතා කොමිසම සඳහන් කරනවා. අගෝස්තු මාසයේ සිට මේ දක්වා වූ කාලයේ දී මෙරටට පැමිණ ඇත්තේ ගල් අගුරු නැව් පහක් පමණක් බව කොමිසමේ සභාපති ජනක රත්නායක කියනවා.
ඒ අනුව ඇතිව තිබෙන ගල් අගුරු හිඟතාවය මත නොරොච්චෝල බලාගාරයේ එක විදුලි ජනන යන්ත්ර ක්රියා විරහිත කිරීමට නිර්දේශ දුන් බවයි සභාපතිවරයා කියන්නේ. පවතින තත්ත්වය කළමනාකරණය ගැනීම සඳහා මෙම පියවර ගත යුතු බවයි ඔහු කියන්නේ.
ලබන වසරේ අප්රේල් මස 15 වන දින දක්වා ඇති කාලය තුළ මෙරටට ගෙන්වා ගත හැකි නැව් සංඛ්යාව ඉතා සීමිත වී ඇති බැවින් එය එළඹෙන වසරේ විදුලි උත්පාදනය සඳහා ප්රමාණවත් නැති බව ද සභාපතිවරයා සඳහන් කරනවා. ඒ අනුව නැවතත් දීර්ඝ විදුලි කප්පාදුවකට යාමට සිදුවනු ඇති බව ඔහු කියා සිටිනවා.
මීට පෙර විදුලි ඉංජිනේරුවන්ද ඊයේ දිනයේ මෙම ප්රකාශය සිදු කොට තිබුණා.
