කොරෝනා වයිරසය හේතුවෙන් හුදෙකලා කොට ඇති ගම්මානයක සිටින සිය හිතවතුන්ට වියලි ආහාර ද්රව්ය බෙදාදීම සදහා එම ගම විවෘත කර දෙන ලෙස කියමින් ජාතික නිදහස් පෙරමුණේ මන්ත්රී ජයන්ත සමරවීර මහතා පොලිස් නිලධාරීන් සමග කලබලයක් ඇති කොටගෙන ඇති බව දැනගන්නට තිබේ.
වාර්තා වන ආකාරයට ඊයේ (23) දිනයේදී ජයන්ත සමරවීර මහතා කලුතර අටලුගම ප්රදේශයේම හුදකලා කොට ඇති එපිටමුල්ල ගමට ගොස් තිබුණද පොලිස් නිලධාරීන් ඔහුට ගමට යාමට අවස්ථාව ලබා දී නැත.
මෙහිදී මන්ත්රීවරයා තමන්ගේ හිතවතුන්ට ආහාර මලු ලබා දීමට යාමට අවශ්ය බව කියමින් පොලිස් නිලධාරීන් සමග බහින්බස් වී ඇති බව පැවසේ.
ඉන් අනතුරුව පොලිස් නිලධාරීන් ප්රාදේශීය ලේකම්වරයාට දුරකතන ඇමතුමක් ලබා ගෙන ඇති අතර ප්රාදේශීය ලේකම්වරයාද දැනුම් දී ඇත්තේ අවශ්ය ආහාරමලු ග්රාමසේවක හරහා ලබාදීමට පියවර ගත හැකි බවත්, කිසිවකුටත් ගමට ඇතුලුවීමට ඉඩ ලබා දිය නොහැකි බවත්ය.
ඒ සම්බන්ධයෙන් අද දහවල් 2ට එම ස්ථානයේදීම සාකච්ජාවක් පැවැත්වීමටත් මෙහිදී තින්දු වී ඇත.
