පළාත් පාලන මැතිවරණය මේ අවස්ථාවේ පවත්වන්නේ නම් මැතිවරණ කොමිසම ඉල්ලන මුදල දිය හැක්කේ එකවර නොව කොටස් වශයෙන් යැයි මහභාණ්ඩාගාර නිලධාරීන් මැතිවරණ කොමිසමට දැනුම් දී ඇති බවට ඇතැම් මාධ්ය පළ කොට ඇති පුවත අසත්යයක් බව වාර්තා වේ.
ඇතැම් මාධ්ය එම පුවත පළ කොට ඇත්තේ මහභාණ්ඩාගාර නිලධාරීන් ඉහත දැනුම් දීම කරනු ලැබූවේ පළාත් පාලන මැතිවරණයට අවශ්ය මූල්ය ප්රතිපාදන සම්බන්ධයෙන් සාකච්ඡා කිරීමට මැතිවරණ කොමිසමේ සාමජිකයන් හා නිලධාරීන් මුණ ගැසුණු අවස්ථාවේදී යැයි තියාය.
මැතිවරණ කොමිසම කළ කැඳවීමකට අනුව භාණ්ඩාගාර නිලධාරින් මැතිවරණ කොමිසමේ සභාපති නිමල් ජී. පුංචිහේවා මහතා ඇතුළු එහි සාමාජික මණ්ඩලයත්, මැතිවරණ කොමසාරිස් ජනරාල් සමන් රත්නායක ඇතුළු නිලධාරී කණ්ඩායමත් මුණ ගැසිණ.
මේ සම්බන්ධයෙන් මව්රට පුවත්පත නිමල් පුංචිහේවා මහතාගෙන් කළ විමසීමකදී ඒ මහතා කියා සිටියේ මුදල් අපහසුතාවය පිළිබදව මහභාණ්ඩාගාර නිලධාරීන් තමන්ට සදහන් කළ නමුත් කොටස් වශයෙන් මුදල් දිය හැකි කතාවක් හෝ මුදල් ලබා නොදෙන කතාවක් නොකී බවකි.
එම නිසා නියමිත පරිදි මැතිවරණ කටයුතු ඉදිරියට කරගෙන යන බවද පුංචිහේවා මහතා ප්රකාශ කළේය.
ඒ අනුව ඇතැම් මාධ්ය කියන පරිදි කොටස් වශයෙන් මුදල් ලබා දිය හැකි බවට කතාවක් හෝ මුදල් ලබා නොදෙන කතාවක් මහභාණ්ඩාගාර නිලධාරීන් මැතිවරණ කොමසාරිස්වරයාට ප්රකාශ කොට නොමැති බවක් වාර්තා වේ.
ප්රේමලාල් විජේරත්න
