කොරෝනා වසංගතයෙන් රට ආරක්ෂා කිරීමට ගත් පියවරයන් අගය කරමින් සහ ඊට සිය ස්තූතිය පළ කරමින් පුංචි දියණියක් ජනාධිපති ගෝඨාභය රාජපක්ෂ මහතා වෙත ලිපියක් යොමු තිරීමට පියවර ගෙන ඇත.
සිය ලිපියට අමතරව ඉටුකම අරමුදලට තමා විසින් එකතු කළ මුදල් යොමුකිරීමටද එම දියණිය කටයුතු කොට ඇත.
කෙසේවෙතත් මේ ලිපිය ජනාධිපතිවරයා අතට පත්වීමත් සමග සිය ෆේස්බුක් පිටුවේ සටහනක් තබමින් ඊට ස්තූතිය පළ කිරීමට පියවර ගෙන තිබේ.
ජනාධිපතිවරයා තැබූ එම සටහනත්, දියණිය එවා තිබූ ලිපියත් මෙසේය.
ආදරණීය රොහන්සා දියණිය වෙතටයි,
දුවේ, රටේ අනාගත පරපුර ලෙස මාගේ සේවය අගය කිරීම ගැන පළමුව මම ස්තූතිවන්ත වෙමි. ඔබගේ දායකත්වය “ඉටුකම” COVID-19 සමාජ සංරක්ෂණ අරමුදල වෙත යොමු කර තිබෙනු දැක මම මහත් ආඩම්බරට පත්වීමි. ඔබ වැනි ශ්රී ලාංකේය දරුවන් වෙත අපගේ මවුබිම අනාගතයේ භාරවනු දැකීම මා හට මහත් අස්වැසිල්ලකි.
මා වෙත ලැබුණු ජනාධිපති ධුරයේ බලතල ඔබ වැනි දේශප්රේමී අනාගත පරපුරකට ජීවත් වීමට සුදුසු සමාජ, ආර්ථික සහ සංස්කෘතික දියුණුවක් සහිත රටක් බිහිකිරීමට යොදවන බවට මම පොරොන්දු වෙමි.
ළමා කාලය අප සියලු දෙනාගේ ජීවිතයේ සුන්දරම කාලයයි. එය තම අධ්යාපනය සහ කුසලතා වර්ධනය කෙරෙහි යොදාගනිමින් ශ්රී ලාංකේය නාමය ඉහළ තලයකට ඔසවා තැබීමට හැකි නව්ය නිර්මාණ කිරීමට ඔබ උත්සුක විය යුතුය. ඔබගේ සියලු කටයුතු සාර්ථක කරගැනීමට මම ආශිර්වාද කරමි.
අපි අපේ රටට ආදරය කරමු. අප වෙත පැමිණෙන සියලු බාධක එක්ව ජයගමු.
තෙරුවන් සරණයි.
ජනාධිපතිවරයාට එවා තිබූ ලිපිය මෙසේය.
