ඊයේ දින කතානායක මහින්ද යාපා අබේවර්ධන මහතාගේ ප්රධානත්වයෙන් පැවැති පක්ෂ නායක රැස්වීමේදී ජනතාවගේ සර්ව ජන ඡන්ද අයිතිය සම්බන්ධයෙන් විපක්ෂ නායක සජිත් ප්රේමදාස මහතා ප්රමුඛ විපක්ෂය පෙනි සිටිද්දී ආණ්ඩුවේ නියෝජිතයන් වෙනත් කරුණු ඉදිරිපත් කරමින් ඊට බාධා කොට ඇති බව වාර්තා වේ.
මෙහිදී විපක්ෂනායක සජිත් ප්රේමදාස මහතා ප්රමුඛ විපක්ෂ නියෝජිතයන් අවධාරණය කොට ඇත්තේ මැතිවරණය කල් දැමීමට ආණ්ඩුව ගෙන යන ක්රියාමාර්ග හේතුවෙන් ජනතාවගේ ඡන්ද අයිතිය අහිමි වී ඇති බවත්, ඒ සම්බන්ධයෙන් සාකච්ඡා කිරීම සදහා පාර්ලිමේන්තු විවාදයක් අවශ්ය බවත්ය.
නමුත් ආණ්ඩුවෙන් පක්ෂ නායක රැස්වීමට සහභාගී වූ නියෝජිතයන් පෙන්වා දී ඇත්තේ ඉදිරි පාර්ලිමේන්තු සතිය තුළ අත්යවශ්ය අණපනත් කිහිපයක් සම්මත කර ගැනීමට ඇති නිසා ඊට ඉඩ ලබා දිය නොහැකි බවත්, ඊටත් වඩා මේ වනවිට මැතිවරණය සම්බන්ධයෙන් අධිකරණ කටයුත්තක් සිදුවන බැවින් ඒ පිළිබද කතා කළ නොහැකි බවත්ය.
කෙසේවෙතත් ඊට විරෝධය පළ කොට ඇති විපක්ෂ නියෝජිතයන් පෙන්වා දී ඇත්තේ ඡන්දය පැවැත්වීමට අදාළව ජනතාවගේ ඡන්ද අයිතිය ආරක්ෂා කිරීම උත්තරීතර බැවින් ඒ පිළිබද සාකච්ඡා කිරීම ගැටලුවක් නැතැයි කියාය.
ඒ අනුව අවසානයේදී සභාව කල්තැබීමේ යෝජනාවක් ඉදිරිපත් කොට දෙදින විවාදයක් ලබා දීමට ආණ්ඩුවට සිදුව ඇති බව දැනගන්නට ඇත.
