මහජන බැංකුවේ ‘මහජන මෙහෙවර’ සමාජ සත්කාරක වැඩසටහන හා මනුසත් දෙරණ එක්ව සිදුකරන දුෂ්කර පාසල් වෙත සුර්ය බලශක්ති පද්ධතීන් තුළින් විදුලිය හා ජල පහසුකම් ලබාදීමේ වැඩසටහන් මාලාවේ තවත් එක් පියවරක් බදුල්ල, රිදීමාලියද්ද අධ්යාපන කොට්ඨාසයේ මීගහකිවුල, කළුකැලේ කණිෂ්ඨ විද්යාලයේදී ඔක්තෝම්බර් මස 01 වැනිදාට යෙදුණු ලෝක ළමා දිනය නිමිත්තෙන් දියත් කෙරිණි.
අධ්යාපනය හා තිරසරභාවය ඒකාබද්ධ කරන නවමු සංකල්පයක් වන මෙම ව්යාපෘතියෙන් පිරිනැමුණු සූර්ය බලශක්ති පැනල තුළින් මු`ඵ විද්යාලයටම විදුලිබලය හිමිවන අතර, ජල පහසුකම් ලබාගැනීම සඳහා ජල ටැංකියක්ද පරිත්යාග කරන ලදී.
බදුල්ල, රිදීමාලියද්ද අධ්යාපන කොට්ඨාසයේ මීගහකිවුල, කළුකැලේ කණිෂ්ඨ විද්යාලය දිවයිනේ අතිදුෂ්කරතම පාසලක් වන අතර, මෙම පාසලට පිවිසීමට කිලෝමීටර් 6ක් පමණ පාගමනින් කඳු මුදුනට පිවිසිය යුතුවේ. මෙහි පහ ශ්රේණිය වන තෙක් පමණක් පන්ති පැවැත්වෙන බැවින් ඉදිරි අධ්යාපන කටයුතු වෙනුවෙන් තවත් කිලෝමීටර් 6ක් දුරින් පිහිටි අරාව විද්යාලයට යාම අනිවාර්ය වේ.
කටුක දිවියක් ගතකරන මෙම දරු දැරියන්ගේ දෙමාපියන් වැඩි පිරිසක් අඩු ආදායම්ලාභීන්ය. මීට වසර දෙකකට ඉහතදී මෙම ගමට විදුලිය ලැබුණුමුත්, කළුකැලේ කණිෂ්ඨ විදුහලට විදුලිය නොලැබිණි. මහජන බැංකුවේ මහජන මෙහෙවර, මනුසත් දෙරණ සමග එක්ව සිදුකළ මෙම සමාජ සත්කාරය තුළින් මූලික පිරිවැයකින් පමණක් නොව මාසික වියදමකින්ද තොරව මු`ඵ විදුහලටම විදුලි බලය ලැබීම විශේෂත්වයකි.
