ඩේවිඩ් පීරිස් සමූහයේ විනෝදාත්මක ක්‍රියාකාරකම් අංශය බණ්ඩාරගම ඉදිකරන ලද ‘පර්ල් බේ’ සංකීර්ණය නිල වශයෙන් පසුගියදා විවෘත කෙරිණි.
මෙම සුවිශේෂ විනෝදාත්මක ක්‍රියාකාරකම් සංකීර්ණයට යුරෝපියානු සෞඛ්‍ය සහ ආරක්ෂණ තත්ත්වයන්ට අනුකූලව සහතික කළ ජල උද්‍යානය සහ කාර්ටින් ක්‍රීඩාව සම්බන්ධ ලෝක නියාමන ආයතනය වන FIA/CIK විසින් සහතික කළ විනෝදාත්මක සහ වෘත්තීයමය කාර්ටින් ධාවන පථය ඇතුළත් වේ.
නව පහසුකම ස්ප්ලෑෂ්බේ (ජල ස්ලයිඩ), ස්පීඩ්බේ (විනෝදාත්මක කාර්ටින්), ටාර්ගට්බේ (වායු රයිෆල් කලාපය) සහ යම්බේ (ආපන ශාලා) යන ප්‍රධාන කලාප හතරකින් සහ මුළු පවුලටම විවේකයෙන් ගත කළ හැකි තවද ක්‍රියාකාරකම්වල යෙදිය හැකි ප්‍රදේශවලින් සමන්විත වේ. පර්ල් බේ උද්‍යානය ජනවාරි 26 වැනි දින මහජනතාවට විවෘත කෙරෙන අතර අද සිට www.thepearlbay.com හරහා ටිකට්පත් මිලදී ගැනීමේ හැකියාව ඇත.
ජල ක්‍රීඩා ඇතුළත් ස්ප්ලෑෂ් බේ කලාපය කුලුනු 04ක් සහ විවිධ විනෝදාත්මක ත්‍රාසජනක මට්ටම්වලින් සමන්විත ජල ස්ලයිඩ් 16කින් සමන්විතය. තවද මීටර් 88 gravity drop ස්ලයිඩයක්, මීටර් 120 loophole ස්ලයිඩයක්, මීටර් 40 matt racer ස්ලයිඩයක් සහ ස්ලයිඩ් හතරක ජල ක්‍රීඩා ව්‍යුහයකින් සමන්විත ළමයින්ටම වෙන්වුණු කලාපයක්ද ඇත.
පර්ල් බේ පහසුකම සැලසුම් කිරීමේදී සහ ඉදිකිරීමේදී යෙදවූ ආයෝජනයට වඩා ධනාත්මක පාරිභෝගික අත්දැකීම සහ ආරක්ෂාව ඉතා වැදගත් කොට සලකා ඒ සදහා මුල්තැන දී ඇත. අරිහාන්ට් ඉන්ඩ්‍රස්ටි්‍රයල් කෝපරේෂන් විසින් නිෂ්පාදනය කර සවිකළ ස්ලයිඩයන් පුළුල් පරීක්ෂණයට ලක්කර “භාවිතයට සුදුසු සහතිකය” ( “Fit for Use Certification”) ලබා දී ඇත.
විශේෂයෙන් ඉදිකරන ලද විනෝදාත්මක පහසුකම්ද ඇතුළු මෙම පරිශ්‍රය ඕනෑම ආකාරයේ ආයතනික හෝ පෞද්ගලික උත්සව සහ සැමරුම් සඳහා වෙන්කරගත හැකි අතර, ඕනෑම අවශ්‍යතාවකට සරිලන පරිදි සහාය ලබාදීමට පර්ල්බේ කණ්ඩායමක් සූදානමින් කර ඇත.
