ශාරීරික යෝග්යතාව සම්බන්ධ ශ්රී ලංකාවේ ප්රථම පෙළේ කාන්තා චරිතයක් මෙන්ම ඒ සම්බන්ධ සමාජ මාධ්ය ක්රියාකාරිනියක සහ කීර්තිමත් පුහුණුකාරිනියක වන සරණි තිලකරත්න (@physique.by.sari), මෙරට ක්රීඩා ඇඟලුම් ක්ෂේත්රයේ විප්ලවීය වෙනසකට මුලපුරමින්, ADETEX-ID සමාගම හා අත්වැල් බැඳගනිමින් නවතම SAMPAYO සන්නාමය එළිදක්වයි. ශ්රී ලංකාවේ ක්රිඩා ඇඟලුම් ක්ෂේත්රයට නවමු වෙනසක් එක්කරමින් එළිදකින මෙම සන්නාමයේ ඇඟලුම් සඳහා RFID තාක්ෂණයට අනුව සකස් කර ඇති RFiD නූල්, ඩිජිටල් ටැග් එකක ආකාරයෙන් යොදාගෙන තිබේ. මෙවැනි අතිනවීන තාක්ෂණයක් ශ්රී ලාංකේය ඇඟලුම් වෙළෙඳපොළට හඳුන්වා දෙන පළමු අවස්ථාව මෙය වන අතර, එය ජාත්යන්තර වශයෙන් නමක් රැන්දූ ලාංකික විද්යාඥ ආචාර්ය අනුර රත්නායක විසින් ආරම්භ කරන ලද ADETEX-ID සමාගමේ නිමැවුමකි.
‘විවේකීමත් ක්රීඩක ක්රීඩිකාවන්’ යන සංකල්පයට අනුව SAMPAYO සන්නාමය ශාරීරික යෝග්යතාවෙහි නිරත වෙමින් සෞඛ්ය සම්පන්න, පරමාදීර්ශී ජීවන රටාවකට පිළිපන් සියලු දෙනා සතුටින් වැළඳ ගන්නා අතර, වෘත්තීය ශාරීරික යෝග්යතා ක්රීඩක ක්රීඩිකාවන්, ශාරීරික යෝග්යතා ක්රියාකාරකම්වල නිරත වීමට උනන්දු පිරිස, අනෙකුත් ක්රීඩක ක්රීඩිකාවන් මෙන්ම විලාසිතා සම්බන්ධ උනන්දුවක් දක්වන පිරිස් ඇතුළුව ක්රියාශීරලී පුද්ගලයන් සඳහා සිය සන්නාමයේ ක්රීඩා ඇඟලුම් තිළිණ කරයි. සෑම SAMPAYO ඇඟලුම් නිර්මාණයක් සඳහා භාවිත කරන සෑම රෙදි වර්ගයක්ම, සාමාන්යයේන ක්රියාකාරී කාර්යයන් සදහා යෝග්ය ඇඟලුම් සඳහා භාවිත කරන රෙදි වන අතර, SAMPAYO සන්නාමයේ ක්රීඩා ඇඟලුම් සඳහා ඒවා ඉතා නිර්මාණාත්මක ලෙස යොදාගෙන තිබේ. RFiD නූල්, නිෂ්පාදනයෙහි සමස්ත ජීව චක්රය තුළ නොනැසී පැවැතීම සඳහා විශේෂයෙන් නිර්මාණය කරමින් ඇඟලුමට ටැග් එකක ආකාරයෙන් එක්කෙරෙන ප්රතම නිෂ්පාදනය වන අතර, ක්ෂේත්රයේ නවතම ඩිජිටල් යුගයක් කරාද එමගින් දොරගුළු විවර කෙරේ. නිෂ්පාදනය සම්බන්ධ ඩිජිටල් හඳුනාගැනීම් ක්රමවේදයක් ලෙසින් මෙම RFiD නූල් IoT හා සම්බන්ධ වේ. මෙවැනි ඩිජිටල් සම්බන්ධිත නිෂ්පාදන තුළින් සන්නාමයකට පහසුවෙන් සියලු ක්රම ඇතුළත් උපාය මාර්ග දියත් කිරීම නිෂ්පාදන විධිමත් කිරීම, සැපයුම් දාම කළමනාකරණය ආදිය ක්රියාත්මක කිරීමට හැකියාව සැලසේ. එමෙන්ම නිෂ්පාදන ගබඩා කිරීම, බෙදාහැරීම, සාමාන්ය භාණ්ඩ තොග කළමනාකරණය, පාරිභෝගික අත්දැකීම්, විනිවිදභාවය, දත්ත එක්රැස් කිීම, නිෂ්පාදන අලුත් කිරීම හා නැවත විකිණීම මෙන්ම නිෂ්පාදනයන්හි විශ්වසනීයත්වය පවත්වා ගැනීම හා ප්රතිචක්රීකරණය ආදී වශයෙන් බොහෝ දේ පහසුවෙන් ක්රියාත්මක කිරීමට ඉන් හැකියාව ලැබේ.
ජාත්යන්තර පිළිගැනීමක් දිනූ පුරෝගාමී ශ්රී ලාංකික විද්යාඥයකු වන ADETEX-ID සමාගමේ නිර්මාතෘ සහ සභාපති ආචාර්ය අනුර රත්නායක, 2017 වසරේදී ස්වීඩනයේ ස්ටොක්හෝම්හි H&M පදනම විසින් වාර්ෂිකව සංවිධාන කරන ලද Global Change Award සම්මාන උළෙලේදී තෙවැනි තැන හිමිකරගත් විද්යාඥයාය. ඔහු විසින් නිර්මාණය කරන ලද Content Thread නම් විප්ලවීය නවෝත්පාදන ඇඳුම් වර්ග කිරීඹ සහ ප්රතිචක්රීකරණය කිරීම වෙනුවෙන් ඩිජිටල් සූත්රිකාවක් උපයෝගී කරගන්නා ක්රමවේදයකින් සමන්විත විණි. ඔහුගේ අසමසම නිර්මාණශීලීත්වය හා නවෝත්පාදන හැකියාව පිළිබිඹු කරමින් ඊට තෙවැනි තැන හිමිවූයේ විද්යාඥයන් 130කට අධික පිරිසක් විසින් ඉදිරිපත් කරන ලද නවෝත්වාදන සංකල්ප 3000 ආසන්න ප්රමාණයක් අභිභවමිනි.
– ප්රියන්ත හෙට්ටිගේ
