ළමා ලෝකයේ සතුට හා නිදහස අරුත් ගන්වමින් මැලිබන් ගෝල්ඩ් මාරි සන්නාමය යටතේ ප්රතිනිර්මාණය වූ ‘පුංචි සුරං’ ළමා ගීතය පසුගියදා ශ්රී ලංකා ගුවන් විදුලි සංස්ථාව මගින් සුවහසක් දූ දරුවන් හා වැඩිහිටියන් වෙත ගෙන යාමට කටයුතු කරන ලදී.
ඒ ශ්රී ලාංකේය සංගීත වංශ කතාව අලුත් කළ ‘පුංචි සුරං’ ගීතය සම්බන්ධ විශේෂ වැඩසටහනක් ක්රියාත්මක කරමිනි. ශ්රී ලංකා ගුවන් විදුලි සංස්ථාවේ සභාපති ප්රවීණ මාධ්යවේදී හඩ්සන් සමරසිංහ මහතා මෙහෙයවන ලද එම විශේෂ වැඩසටහන තුළින් ‘පුංචි සුරං’ ගීතය එළි දැක්වීමේ විශේෂත්වය හා ඒ යටතේ පවතින ‘නිදහසේ රන් දරුවෝ’ අරමුදලෙහි ක්රියාකාරීත්වය පිළිබඳ තොරතුරු රැසක් අනාවරණය විය. මෙම අවස්ථාව සඳහා ජනමාධ්ය අමාත්ය ඩලස් අලහප්පෙරුම මැතිතුමාද විශේෂ පණිවුඩයක් යොමු කර තිබූ අතර මැලිබන් බිස්කට් පුද්ගලික සමාගම වෙනුවෙන් එහි ජ්යෙෂ්ඨ අලෙවි කළමනාකාරිනී කුෂාණි පීරිස් මහත්මිය හා මුල් ගීතයේ නිර්මාතෘ ප්රවීණ සංගීතවේදී මෙල්රෝයි ධර්මරත්න යන මහත්ම මහත්මීන්ද එහිදී සිය අදහස් පළකළහ. මෙම එළිදැක්වීමෙහි විශේෂත්වය වන්නේ ශ්රී ලංකා ගුවන් විදුලි සංස්ථාවේ ළමා ගීත සමුච්චයෙහි ඇතුළත් කර තිබූ ‘සකල බුජං ගීතය’ එම ගීත එකතුවෙන් ඉවත් කර ඒ වෙනුවට පුංචි සුරං ගීතය ආදේශ කිරීමට ශ්රී ලංකා ගුවන් විදුලි සංස්ථාව කටයුතු කිරීමයි.
