ශ්‍රී ලංකා සහතිකලත් කළමනාකරණ ගණකාධිකාරී ආයතනය (CMA) සංවිධානය කරන ක්‍ඵ් ඒකාබද්ධ වාර්තාකරණ විශිෂ්ටතා සම්මාන උළෙලේදී 2022 දී මහජන බැංකුවේ 2021 වසරේ වාර්ෂික වාර්තාව ශ්‍රී ලංකාවේ ‘විශිෂ්ටතම ඒකාබද්ධ වාර්ෂික වාර්තා’ දහයෙන් එකක් ලෙස සම්මානයට පාත්‍ර විය.
තම ආයෝජකයින්ට සහ පාර්ශ්වකරුවන්ට ප්‍රයෝජනවත් වන අයුරින් ඒකාබද්ධ වාර්තාකරණය කටයුතු සිදුකරන ශ්‍රී ලාංකීය සමාගම් දිරිමත් කිරීමේ අරමුණින් වාර්ෂිකව පවත්වන මෙම සම්මාන ප්‍රදානෝත්සවය පවත්වයි. ඒකාබද්ධ වාර්තාකරණය සඳහා වූ ජාත්‍යන්තර සංවිධානය වන International Integrated Reporting Council විසින් 2013 දෙසැම්බර් මාසයේදී නිකුත් කරන ලද ජාත්‍යන්තර වාර්තාකරණ රාමුවේ මාර්ගෝපදේශ යටතේ මෙහිදී ඒකාබද්ධ වාර්තා ඇගයීමට ලක් කරයි. මෙම ක්‍රියාවලියේදී මුල්‍ය හා ගිණුම් තොරතුරු පමණක් නොව මුල්‍ය නොවන තොරතුරු සහ වාර්තාකරණයේ වෙනත් ගුණාත්මක අංග ද සැලකිල්ලට ගැනීම විශේෂත්වයකි.
1961 අංක 29 දරන මහජන බැංකු පනත යටතේ ස්ථාපනය කරන ලද මහජන බැංකුව, ආසන්න වශයෙන් රුපියල් ටි්‍රලියන 3ක ඒකාබද්ධ වත්කම්වලට හිමිකම් කියන ශ්‍රී ලංකාවේ දෙවැනි විශාලතම මූල්‍ය සේවා සැපයුම්කරු වේ. එක්සත් රාජධානියේද බෑන්කර් සඟරාවට අනුව මහජන බැංකුව, ඒකාබද්ධ ස්ථරය අනුව ගත්කළ ලොව විශිෂ්ටතම බැංකු 1000 අතරට එක්ව සිටී. ජාත්‍යන්තර ARC සම්මාන 2022 උළෙලේදී විශේෂිත වාර්ෂික වාර්තා : ඒකාබද්ධ වාර්ෂික වාර්තාව සහ ආයතනික සමාජ වගකීම් (CSR) වාර්තාව : සම්ප්‍රදායික නොවන ආකෘතිය සඳහා වන සම්මානය ඇතුළුව දේශීය හා ජාත්‍යන්තර වශයෙන් සම්මාන සහ ඇගයීම් රාශියකින් ද බැංකුව පිදුම් ලබා ඇත.
