ඉතිහාසය පුරා ඉපැරණි රජදවසේ පවා විවිධ අභියෝග රටට පැමිණි අවස්ථාවේ රජවරු සහ අමාත්යවරුන් එකතු වී අප රට සුරක්ෂිත කළ බවත් අධිරාජ්යවාදීන්ගෙන් රට නිදහස් කර සෛරී රටක් ලෙස ක්රියාත්මක වන මොහොතක ඒ සෛරීත්වය ඉදිරියටත් ආරක්ෂා කරන්න එකාමෙන් කටයුතු කළ යුතු බවත් ඒ සඳහා සැවොම අත්වැල් බැදගෙන මේ රට ආරක්ෂා කළ යුතු බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ වෙසක් උත්සවය නිමිති කර ගෙන කොළඹ හුණුපිටිය ගංගාරාම විහාරස්ථානය විසින් සංවිධානය කර තිබු බුද්ධ රශ්මී වෙසක් කලාපය ආරම්භ කිරීමට ගිය අවස්ථාවේ දී ය.
බුදුදහමේ උන්නතිය උදෙසා චිරස්ථිතිය වෙනුවෙන් ක්රියාත්මක ආගමික ක්රියාදාම අතිශය වැදගත් බවත් ගලබොල ඥානේස්වර ස්වාමීන් වහන්සේ දුෂ්කර ගමනක් ගොස් මේ ගංගාරාම විහාරස්ථානය දියුණු කළ බවත් මේ වන විට අස්සජී නායක ස්වාමීන් වහන්සේගේ මූලිකත්වයෙන් ඒ කටයුතු ඉදිරියට යන බවත් විපක්ෂ නායකවරයා පැවසීය.
වෙසක් පොහෝය සමරමින් උතුම් තෙමගුල කේ්න්ද්ර කර ගෙන සම්බුද්ධ ශාසනය සුරක්ෂිත කරන්න කටයුතු කළ යුතු බවත් සම්බුද්ධ ශාසනය සුරක්ෂිත කරනවා සේම ඒකීය භාවය භෞමික අඛණ්ඩතාව සෛරීත්වය හා දේශපාලන නිදහස සුරක්ෂිත කළ යුතු බවත් විපක්ෂ නායක සජිත් ප්රේමදාස මහතා මෙහි දී වැඩිදුරටත් පැවසීය.
