දේශමාන්ය උපුල් සෙනරත්, සභාපති – ඇක්සෝන් ලංකා පෞද්ගලික සමාගම
ව්යාපාරයක් ආරම්භ කර එය ගොඩනැගීම ලෙහෙසි පහසු කාර්යයක් නොවේ. එමෙන්ම ආරම්භ කළ ව්යාපාරය දිගු කලක් තිස්සේ සාර්ථකව මෙන්ම අඛණ්ඩව පවත්වාගෙන යෑම ඊටත් වඩා අපහසු කටයුත්තකි. මෙම අභියෝගය ජයගැනීම සඳහා ශ්රී ලාංකික ව්යවසායකයන්ට සහයෝගය ලබාදීමට ජාතියේ මහා පහන් ටැඹ ලංකා බැංකුව නිරන්තරයෙන් කැපවී සිටින බව පැවසිය යුතුම කරුණකි.
ලංකා බැංකුවේ සහයෝගයෙන් ගොඩනැගුණු ව්යාපාරයක් වන ඇක්සෝන් ලංකා පෞද්ගලික සමාගමට ඇමෙරිකා එක්සත් ජනපදයෙන් ලැබුණු ප්ලාස්ටික් බහාලුම් මිලියන 22ක ඇණවුමේ පළමු අදියර නැව්ගත කිරීමේ අවස්ථාව පසුගියදා උත්සවාකාරයෙන් පැවැත්වුණු අතර, එම අවස්ථාවට ලංකා බැංකුවේ නියෝජ්ය මහා කළමනාකරු (ශාඛා ණය මෙහෙයුම් – කලාප අංක 02) වයි.ඒ. ජයතිලක, සහකාර මහා කළමනාකාරිනී (ශාඛා ණය – කලාප අංක 02), සහකාර මහා කළමනාකරු (ඌව පළාත) අයි.කේ. නවරත්න, ඇක්සෝන් ලංකා සමාගමේ සභාපති, දේශමාන්ය සිංහ උපුල් සෙනරත් යන මහත්ම මහත්මීහු සහ ඇක්සෝන් ලංකා සමාගමේ අධ්යක්ෂ මණ්ඩලය ඇතුළු කාර්ය මණ්ඩලයද සහභාගි වූහ.
මෙම අවස්ථාව අමතමින් ඇක්සෝන් ලංකා පෞද්ගලික සමාගමේ සභාපති දේශමාන්ය උපුල් සෙනරත් මහතා සිය සාර්ථකත්වයේ කතාව පැවසුමේ මේ අයුරිනි.
‘මම 1994දි තමයි ව්යාපාරික ක්ෂේත්රයට අවතීර්ණ වෙන්නේ. අපේ නිෂ්පාදනය වුණේ ‘Ozone mineral water’. ඒ වෙනකොට වතුර විකුණන්න පුළුවන් කියන සංකල්පය මේ රටේ කිසිම කෙනකුට තිබුණේ නෑ. මම ව්යාපාරයට අවශ්ය මූල්ය ශක්තිය ලබාගන්න බැංකු ගණනාවකටම ගියා. නමුත් මට අවශ්ය කරපු ඒ සහයෝගය කිසිම බැංකුවකින් ලැබුණේ නැහැ. මම මගෙ හීනය වුණු ‘Ozone mineral water’ ව්යාපාරය ඉතා කුඩාවට ආරම්භ කළා. ඒ අතරෙදි තමයි ලංකා බැංකුව මට සහයෝගය දෙන්න ඉදිරිපත් වුණේ. ‘Ozone mineral water’ කියන්නෙ ලංකාවෙ පළමුවැනි දේශීය බෝතල් කළ පානීය ජල නිෂ්පාදනයයි. ඒ වගේම අපි ඒ නිෂ්පාදනය ඉතාමත් ගුණාත්මකව සහ ප්රමිතිගතව නිෂ්පාදනය කිරීමට කටයුතු කරනවා. අද වෙනකොට ‘Ozone mineral water’ ජපානය ඕස්ටේ්රලියාව වගේ රටවල් කිහිපයකටම අපි අපනයනය කරනවා. 2010 වසරෙදි තමයි මම ඇක්සෝන් ලංකා පෞද්ගලික සමාගම ආරම්භ කරන්නේ. අපි මුලින්ම මේ සමාගම ආරම්භ කළේ අපේ අනෙකුත් නිෂ්පාදනවලට අවශ්ය මූඩි නිෂ්පාදනය කිරීමටයි. නමුත් අද වෙනකොට අපි මෙම ආයතනය හරහා විවිධ නිෂ්පාදන ක්ෂේත්රයන් ආවරණය කරනවා.
එහි ප්රතිඵලයක් විදියට තමයි අපිට මේ ඇමෙරිකානු ඇණවුම භාරගන්න හැකියාව ලැබුණේ. ඒ ඇණවුමේ මුල්ම අදියර නැව්ගත කරන මේ අවස්ථාවෙදි අපගේ සාර්ථකත්වයට සහයයෝගය ලබාදුන්නු ලංකා බැංකුවේ කළමනාකාරීත්වය ඇතුළු සියලුම කාර්ය මණ්ඩලයටත්, නොයෙක් අයුරින් සහයෝගය ලබාදුන් සියලු දෙනාටත් ස්තුතිවන්ත වීමට මම මෙය අවස්ථාවක් කරගන්නවා.’
ලංකා බැංකුව පිළිබඳ අදහස් දක්වමින් සෙනරත් මහතා ප්රකාශ කළේ, ‘ලංකා බැංකුව ලබාදුන්නු සහයෝගය ඉතාමත් ඉහළයි. ව්යවසායකයෙක් කියන්නේ නිර්මාණශීලී කෙනෙක්. අනාගතය දකින කෙනෙක්. ව්යවසායකයෙක් යම්කිසි නිර්මාණාත්මක ව්යාපාරික අදහසක් ඉදිරිපත් කළාම ලංකා බැංකුව ඒ අදහස යථාර්ථයක් බවට පත්කර ගැනීමට උපරිම ශක්තිය ලබාදෙනවා. එය තමයි බැංකුවකින් විය යුත්තේ. ලංකා බැංකුව ඒ වගකීම ඉතාමත් සාර්ථකව ඉටුකරන ආයතනයක්. ඒ වගේම රටේ කොඳුනාරටිය විදියට හැඳින්වීමට හැකි සුළු හා මධ්යපරිමාණ ව්යවසායකයන් නඟාසිටුවන්නට ලංකා බැංකුව ඉටුකරන කාර්යභාරය ඉතාමත් කෘතඥපූර්වකව සිහිපත් කරනවා වගේම ඒ කාර්යභාරය දිනෙන් දිනම සාර්ථක වේවා කියලා මම ප්රාර්ථනා කරනවා.’
මෙහිදී අදහස් දැක්වූ ලංකා බැංකුවේ නියෝජ්ය මහා කළමනාකරු (ශාඛා ණය හැසිරවුම් – කලාප අංක 02) වයි. ඒ. ජයතිලක මහතා පැවැසුවේ මෙවන් අදහසකි. ‘ඇක්සෝන් ලංකා පෞද්ගලික සමාගමේ මෙම ජයග්රහණයට මුලින්ම ලංකා බැංකුව වෙනුවෙන් සුබ පැතීමට කැමැතියි. එම සමාගමේ සභාපති උපුල් සෙනරත් මහත්මයාගේ දැඩි කැපවීම මත මෙම ව්යාපාරය මේ මට්ටමට ගෙන ඒමට හැකි වීම ඇත්තටම ප්රශංසනීයයි. ඒ වගේම ලංකා බැංකුවටත් මෙම ව්යාපාරික සාර්ථකත්වයේ කොටස්කරුවකු වීමට ලැබීම අපි සිහිපත් කරන්නේ ඉතාමත් සතුටින්. ඒ නිසාම උපුල් ජයසිංහ මහත්මයා ඇතුළු ඇක්සෝන් ලංකා සමාගමට තව තවත් ඉදිරියට යෑමට ධෛර්යය ශක්තිය ලැබේවා කියලා සුභාශිංසන එකතු කිරීමට මම මෙය අවස්ථාවක් කරගන්නවා. අද අපේ රටේ පවතින ඩොලර් හිඟයට මේ වගේ ව්යාපෘති අවශ්යම කාලවකවානුවක්. ලංකා බැංකුව මේ රටේ වගකිව යුතු ආයතනයක් විදියට රටට ඩොලර් ගෙන එන මෙවැනි ව්යාපාර ශක්තිමත් කිරීම වෙනුවෙන් ඉදිරියේදීත් උපරිම සහයෝගය ලබාදෙන බව අවධාරණය කිරීමට කැමැතියි.’
‘රටේ ආර්ථිකයේ කොඳුනාරටිය විදියට හඳුන්වා දිය හැකි සුළු හා මධ්යපරිමාණ ව්යාපාර අංශය නඟාසිටුවීම වෙනුවෙන් වසර 82ක් පුරා කැපවෙමින්, විවිධ වූ සේවාවන් ලබාදෙන මේ රටේ ප්රමුඛතම බැංකුව විදියට ලංකා බැංකුව හඳුන්වා දෙන්න පුළුවන්. මේ රටේ අංක එකේ රාජ්ය බැංකුව වන ලංකා බැංකුව සුළු හා මධ්ය පරිමාණ ව්යවසායකයන් ශක්තිමත් කිරීම සම්බන්ධ රජයේ ප්රතිපත්ති ක්රියාත්මක කිරීම සඳහාත් උපරිම සහයෝගය ලබාදෙන ආයතනයක්. ලංකා බැංකුව සුළු හා මධ්ය පරිමාණ ව්යවසායකයන් වෙත ලබාදෙන සේවාවන් තවදුරටත් ගුණාත්මක හා කාර්යක්ෂම කරමින්, ගනුදෙනුකරුවන් වෙත වඩාත් සමීප කිරීම වෙනුවෙන්ම ‘BOC SME Circle’ නමින් විශේෂ ඒකකයක් ආරම්භ කිරීමට කටයුතු කරල තිබෙනවා. ‘BOC SME Circle’ විශේෂ ඒකකය මගින් සුළු හා මධ්ය පරිමාණ ව්යවසායකයන්ගෙ නව ව්යාපාරික අදහස් ව්යාපාරයක් බවට පත්කිරීමට අවශ්ය තාක්ෂණික දැනුම හා මූල්ය සහයෝගය වගේම, ව්යාපාරය සාර්ථකව ගොඩනගා ගැනීමට සහ එය ජාත්යන්තර වෙළෙඳපොළ වෙත ගෙන යෑම දක්වා අවශ්ය සියලුම සහහෝගය ලබාදීමට කටයුතු කරනවා. ඒ වගේම සුළු හා මධ්යපරිමාණ ව්යවසායකයන්ට සහයෝගය ලබාදීම සඳහා ‘BOC Export Circle’ විශේෂ අපනයන ඒකකයට අමතරව අපනයන සංවර්ධන මණ්ඩලය, කාර්මික තාක්ෂණික ආයතනය හා කුඩා කර්මාන්ත දෙපාර්තමේන්තුව වැනි රාජ්ය ආයතන රැසක් ‘BOC SME Circle’ විශේෂ ඒකකය සමග අත්වැල් බැඳගෙන සිටින බවත් මතක් කළ යුතුම කරුණක්’ යනුවෙන් ජයතිලක මහතා වැඩිදුරටත් ප්රකාශ කළේය.
