AIA ඉන්ෂුවරන්ස් ලංකා සමාගම, IFC-DFAT Women In Work වැඩසටහන හා සහයෝගීතාවයෙන් ක්රියාත්මක කරන්නා වූ සිය කාන්තා වැඩසටහන වන ‘ඇය සුරකිනAIA’ හි පළමු සංවත්සරය, ශ්රී ලංකා රක්ෂණ නියාමන කොමිෂන් සභාවේ අධ්යක්ෂ ජෙනරාල් තුමිය වන දමයන්ති ප්රනාන්දු, AIA ඉන්ෂුවරන්ස් ලංකා සමාගමේ ප්රධාන විධායක නිලධාරිනී චතුරි මුනවීර සහ ජාත්යන්තර මූල්ය මණ්ඩලයේ (IFC) වික්ටර් ඇන්තනිපිල්ලේ සහ සාරා ට්විග් යන මහත්ම මහත්මීන්ගේ සහභාගිත්වයෙන් නොබෝදා උත්සවශ්රීයයෙන් සමරන ලදී. (Sri Lanka Latest News)
තවද දිවයින පුරාවට මෙම වැඩසටහන යටතේ කාන්තාවන් සවිබලගැන්වීම සඳහා සිදුකරන ලද දායකත්වය සහ සාර්ථක මෙහෙවර ඇගයීම සඳහා AIA හි ඉහළ කළමනාකාරීත්වය ඇතුළුව ජාත්යන්තර මූල්ය මණ්ඩලය (IFC), කොමර්ෂල් බැංකුව සහ කාන්තා කර්මාන්ත සහ වාණිජ මණ්ඩලය (WCIC) නියෝජනය කරමින් වෘත්තිකයින් පිරිසක් ද සහභාගී වී සිටියහ.
AIA හි ප්රධාන විධායක නිලධාරිනී චතුරි මුනවීර මහත්මියගේ කතාවකින් උත්සවයේ ආරම්භය සනිටුහන් වූ අතර එහිදී ‘ඇය සුරකින AIA’ ඔස්සේ පසුගිය වසර පුරාවට සාර්ථකව ක්රියාත්මක කරන ලද වැඩසහන් මෙන්ම එහි අනාගත දැක්ම පිළිබඳවත් සඳහන් කරන ලදී. එනම් 2025 වසර වනවිට ශ්රී ලංකාව පුරාවට කාන්තාවන් 2,000,000ක් ‘ඇය සුරකින AIA’ සමගින් ධනාත්මක අයුරින් එකතු කර ගැනීම වන අතර එම දැක්ම AIA හි සමස්ත සමූහ දැක්ම වන 2030 වසර වන විට ආසියාවේ ජීවිත බිලියනයකට සුවපත්, සැපවත්, දිගුකල් ජීවිත ගත කිරීමට සහාය වීම යන්න සමගින් ද ඉතා සමීපව සම්බන්දතාවක් සහිත වේ.
මෙම සංවත්සර උත්සවය සැන්දෑ සාදයකින් අවසන් වූ අතර ඊට සහභාගී වූ වෘත්තිකයන්හට හමුවී දැනහැඳින ගැනීමටත් මෙය කදිම අවස්ථාවක් ද විය.
