CINEC වෙතින් අලෙවිකරණ පිළිබඳ කළමනාකරණ ගෞරව උපාධියක්

සුපිරි වෙළෙඳපොළ ඇතුළු අලෙවිකරණ වෘත්තීය ක්ෂේත්‍රයේ දිගු කලක පටන් පැවැති අවශ්‍යතාවක් සපුරාලමින් ශ්‍රී ලංකාවේ ප්‍රථම වරට අලෙවිකරණය පිළිබඳ කළමනාකරණ (ගෞරව) උපාධි පාඨමාලාවක් අරඹන්නට CINEC උසස් අධ්‍යාපන ආයතනය (www.cinec.edu) පියවර ගෙන ඇත. විශ්වවිද්‍යාල ප්‍රතිපාදන කොමිසමේ අනුමැතිය ලත් සිවු අවුරුදු පාඨමාලාවක් වන මෙහි අවසන් වසරේදී සය මසක රැකියා පුහුණුවක්ද ලැබේ. උසස් පෙළ ඕනෑම විෂය ධාරාවකින් විෂයයන් 3ක් සමත් වීම හෝ විශ්වවිද්‍යාල ප්‍රතිපාදන කොමිසම පිළිගත් ඊට සමාන වෙනත් ඕනෑම සුදුසුකමක් සපුරා තිබීම මත මේ උපාධි පාඨමාලාව හැදෑරිය හැකිය.
CINEC උසස් අධ්‍යාපන ආයතනයේ කළමනාකරණ පීඨයේ පීඨාධිපති මහාචාර්ය ලලිත් එදිරිසිංහ මහතා පවසන අන්දමට සුපිරි වෙළෙඳපොළ දාමය (Super Market Chain) අද ලංකාවේ ඉතා ශීඝ්‍රයෙන් වර්ධනය වන සංකල්පයකි. නූතන සංඛ්‍යා ලේඛනවලට අනුව ලංකාවේ සුපිරි වෙළෙඳපොළ ගහනය (Penetration) 15% වඩා වැඩිය. “අපේ අසල්වාසී රටවල ගහනය 30%ක් නිසා ලංකාවේ මෙය තවත් දියුණු විය හැකියි. ගෝලීය සිල්ලර සංවර්ධන දර්ශකයට අනුව (GRDI) ශ්‍රී ලංකාව සිටින්නේ 12 වැනි ස්ථානයේ. එබැවින් මෙය රැකියා බහුල ක්ෂේත්‍රයක්. මෙම උපාධි පාඨමාලාවට දැන් සිසුන් බඳවා ගැනෙන අතර 0114486400 අමතා 181 හෝ 165 දිගුව ඔස්සේද, ක්‍ෂභෑක්‍ ආයතනයේ කළමනාකරණ, මානව ශාස්ත්‍ර හා සමාජ විද්‍යා පීඨයට පැමිණීමෙන්ද ඔබටත් ඇතුළු විය හැකිය.