කොවිඩ්-19 රෝගීන් වෙනුවෙන් මධ්‍යගත සන්නිවේදන මධ්‍යස්ථානයක්

කොවිඩ්-19 වසංගත තත්ත්වයට එරෙහි ජාතික ක්‍රියාන්විතයට සහයෝගය දක්වමින් මෙරට අංක එකේ බැංකුව වන ලංකා බැංකුව, ශ්‍රී ලංකාවේ ප්‍රමුඛතම සන්නිවේදන සම්පාදකයා වන Dialog Axiata PLC හාWavenet International සමාගම් යුගයේ අවශ්‍යතාවක් ඉටුකරමින්, PCR පරීක්ෂණයන්ගෙන් තහවුරු වූ රෝගීන්ගේ ගෘහස්ථ සත්කාර නිසි කළමනාකරණයකින් යුතුව සිදුකිරීම වෙනුවෙන් ශ්‍රී ලංකාවේ පළමු වරට 1390 ජාතික ඒකාබද්ධ කොඩිව්-19 ගෘහස්ථ සත්කාර ඩිජිටල් මධ්‍යස්ථානය ස්ථාපිත කිරීමේ කර්තව්‍යයට දායක විය. මෙම ව්‍යාපෘතිය අතිගරු ජනාධිපතිතුමන්ගේ සහ සෞඛ්‍ය ඇමැතිතුමියගේ මඟපෙන්වීම යටතේ සෞඛ්‍ය සේවා අධ්‍යක්ෂ ජෙනරාල් වෛද්‍ය අසේල ගුණවර්ධන මහතාගේ මෙහෙයවීමෙන් සෞඛ්‍ය අමාත්‍යංශය සහ රජයේ වෛද්‍ය නිලධාරීන්ගේ සංගමය එක්ව හඳුන්වාදෙන්නකි.