මෙරට ප්රමුඛතම ඇඟඵම් නිෂ්පාදකයෙක් සහ අපනයනකරුවෙක් වන බ්රැන්ඩික්ස් ඇපරල් සමාගම, කැනඩාව සහ ඇමෙරිකා එක්සත් ජනපදය වෙත ඇඟඵම් අපනයනය කිරීමේහි ලා දක්වා ඇති විශිෂ්ටත්වය වෙනුවෙන්, ගෝලීය විලාසිතා ක්ෂේත්රයේ දැවැන්තයෙක් වන PVH සමාගම වෙතින් අඛණ්ඩවම තෙවන වරටත් ‘සමස්ත හොඳම අපනයනකරු‘ වශයෙන් සම්මානයට පාත්ර විය. Sri Lanka Latest News
PVH විසින් වාර්ෂිකව පවත්වනු ලබන අපනයනකරුවන්ගේ වැඩමුඵව පසුගියදා කොළඹදී පැවත්වුණු අතර බ්රැන්ඩික්ස් සමාගම එහිදී සියඵම දර්ශකවල ප්රමුඛස්ථානය අත්පත් කරගැනීමට සමත් විය. මෙහිදී ලියකියවිලි කාලවේලාවන් සම්බන්ධයෙන් දක්වන විනය, නිසි කාල සීමාව ඇතුළත භාණ්ඩ බාර දීම වැනි විවිධ අංශයන්ගෙන් ඉහළම තැනක රැඳී සිටීමට බ්රැන්ඩික්ස් සමාගමට හැකි විය. මෙම වැඩමුඵව PVH හි භාණ්ඩ ප්රවාහන සහකරු වන Maersk Lanka ආයතනයේදී පැවත්විණි.
Tommy Hilfiger සහ Calvin Klein වැනි ලෝකයේ ප්රමුඛතම සන්නාම හිමි මව් සමාගම වන ඡඪ්ය සහ එම සමාගමේ සහකරු වන Calvin Klein සමාගම වෙතින් ලැබූ මෙම ඇගයීම බ්රැන්ඩික්ස් සමාගම සිය ගනුදෙනුකරුවන්ගේ අවශ්යතාවයන් විශිෂ්ට අන්දමින් සපුරාලීම සඳහා දක්වන කැපවීම මනාව ප්රදර්ශනය කරන්නකි. බ්රැන්ඩික්ස් සමාගමේ සැපයුම් දාම අධ්යක්ෂක අෆාහ් අලි මහතා මේ පිළිබඳව අදහස් දක්වමින් මෙසේ පැවසීය “අපේ ක්ෂේත්රයේ සැපයුම් දාම ක්රියාවලිය ඉතා වේගවත්, අධි ක්රියාකාරී අංශයක්. මේ අභියෝගාත්මක කර්තව්යය සාර්ථක කරගැනීම සඳහා අපි නිතරම ගනුදෙනුකරුවන්ගේ අවශ්යතාවයන් හොඳින් සිහියේ තබා ගෙන, එම ඉලක්ක සාක්ෂාත් කරගැනීම සඳහා නව්යකරණය සහ තිරසාර විසඳුම් සමඟ ක්රියාකාරීව කටයුතු කිරීමට අපි කැප වී සිටිනවා. ගෝලීය දැවැන්තයෙක් වෙතින් ලැබෙන මෙම ඇගයීම තවදුරටත් අපිව දිරිමත් කරන ජයග්රහණයක්”.
වසර 50 කට අධික අත්දැකීම් ඇති බ්රැන්ඩික්ස් සමාගම ඇඟ``ඵම් නිෂ්පාදන සහ ඩිජිටල් විසඳුම් ක්ෂේත්රයෙහි ගෝලීය ප්රමුඛයෙක් වන අතර ලෝකයේ ජනප්රියතම සන්නාමවලට සිය සේවය සපයයි. බ්රැන්ඩික්ස් සමාගමේ සිරස් ඒකාබද්ධ සැපයුම් දාමය ශ්රී ලංකාව, ඉන්දියාව, හයිටි, එක්සත් රාජධානිය, ඇමෙරිකා එක්සත් ජනපදය, බංගලාදේශය යන රටවල් ආවරණය කරමින් ක්රියාත්මක වේ. පාරිසරික සහ සමාජයීය තිරසාරත්වය පිළිබඳව කුතුහලයකින් සහ ඒ වෙනුවෙන් දැඩි කැපවීමක් ඇතිව ක්රියා කරන බ්රැන්ඩික්ස් සමාගම සදාචාරාත්මක නිෂ්පාදනය සම්බන්ධයෙන් ලෝකයේ පළමු ස්ථාන රැසක් දිනා ඇති සමාගමකි. සිය අරමුණු හා සමපාත අරමුණූ ඇති හවුල්කරුවන් සමඟ ජීවිත කාලයක් පවතින සවිමත් සම්බන්ධතා ගොඩනඟා ගැනීමට ප්රමුඛතාවය දෙන බ්රැන්ඩික්ස් සමාගම සියඵ දෙනාටම සමෘද්ධිය ගෙනඑන සාර්ථක ඇඟ`ඵම් නිෂ්පාදනයට අඛණ්ඩවම කැප වී සිටී.
