ඇහැලියගොඩ පොලිස් ස්ථානයේ ස්ථානාධිපතිවරයා රත්නපුර කොට්ඨාස අපරාධ විමර්ශන කාර්යාංශය විසින් ඊයේ (3) අත්අඩංගුවට ගෙන තිබේ.Sri Lanka Latest News
මැණික් ගලක් සොරාගැනීමක් සම්බන්ධයෙන් ලද පැමිණිල්ලක් විමර්ශනයේදී, නීතිවිරෝධී අන්දමින් ක්රියා කරමින් සාක්ෂිකරුවන් හා සැකකරුවන්ට අයත් මුදල් බලෙන් ලබාගෙන විමර්ශන කටයුතු සඳහා ඉදිරිපත් නොකිරීමේ චෝදනාවකට අදාළව මෙලෙස අත්අඩංගුවට ගෙන ඇත.
අසාධාරණයට පත් පුද්ගලයන් දෙදෙනෙකු විසින් ඇහැලියගොඩ පොලිසියේ ස්ථානාධිපතිවරයා සහ පොලිස් පරීක්ෂකවරයකුට විරුද්ධව ජාතික පොලිස් කොමිෂන් සභාව වෙත කරන ලද පැමිණිල්ලකට අනුව ලද නියෝග මත මෙම අත්අඩංගුවට ගැනිම සිදුකර තිබේ.
