අද වන විට අනාරක්ෂිත වූ අවදානම් වූ අතිභයංකාර අභියෝගවලට මුහුණ දෙන අප රටේ ජනතාව ඒ අභියෝගවලින් බේරා ගෙන ඒවායින් ජයග්රහණය කර මාතෘභූමියේ ඒකීයභාවය, භෞමික අඛණ්ඩතාව, සෛරීත්වය මෙන්ම දේශපාලන නිදහස සුරක්ෂිත වන ආකාරයේ ගමනකට අප රටක් ලෙස මුලපිරිය යුතු බවත් රටේ තිබෙන්නා වූ දැඩි අවදානම් තත්ත්වය තුළ සුවිශාල අසනයකට පීඩනයකට ලක්ව ඇති ජනතාව සුරක්ෂිත කළ යුතු බවත් දේශීයව සහ ජාත්යන්තරව සිදුවන සිදුවීම් කේන්ද්ර කර ගෙන රටේ ජනතාවගේ ජන ජීවිත මහා අසහනයකට පත්ව ඇති බවත් මෙවැනි අවස්ථාවල මෙරට ජනතාව ජාති ආගම් කුලමල පන්ති පක්ෂ භේදබින්නවලින් තොරව එකට සිට ජනතාවක් ලෙස සහෝදරත්වයෙන් එකමුතුභාවයෙන් සංහිදියාවෙන් මේ අභියෝග ජයග්රහණය කරවන්න කැපවිය යුතු බවත් විපක්ෂ නායකවරයා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ මාතර උඩඅපරැක්ක ශ්රී සේපාලිකා මහා විහාරස්ථානයේ පැවැති වෙසක් පිංකම හා එක්වෙමිනි.
බුදුරජාණන් වහන්සේ පවා සෑම අවස්ථාවකදීම සිය දේශනා තුළින් ලබා දුන් උපදෙස වන්නේ මිනිසා ශක්තිමත් කර මිනිස් ජීවිත සුඛිත මුදිත කිරීම බවත් ශාසනය සුරක්ෂිත කරනවා සේම මිනිස් ජීවිත රැකගමින් ජන සමාජය තුළ යහපත්භාවය නීරෝගීභාවය සුවපත්භාවය නිර්මාණය වන ආකාරයේ සමාජ වැඩපිළිවෙළක් රාජ්ය පාලනයක් ක්රියාත්මක විය යුතුය යන උතුම් දේශනාව ලබා දුන් බවත් විපක්ෂ නායකවරයා පැවසීය.
රජ දවසේ මෙන් සැබවින්ම පොහොසත් රට නිර්මාණය කළ යුතුයි
ජාතික වෙසක් උළෙල එදා ක්රියාත්මක වන විට රණසිංහ ප්රේමදාස ජනාධිපතිවරයා විසින් ඇති කළ බුද්ධශාසන අමාත්යාංශයෙන් සහ අරමුදලින් රට පුරාම විහාරස්ථාන පද්ධතිය කේන්ද්ර කර ගෙන මේ උතුම් තෙමගුල විශිෂ්ට ආකාරයෙන් සමරන්න කටයුතු කළ නමුත් අද ජාතික වෙසක් උත්සවය ක්රියාත්මක වන මාතර දිස්ත්රික්කයේ හෝ එය ක්රියාත්මක නොවන බවත් වැවයි දාගැබයි ගමයි පන්සලයි සංකල්පය තුළ අප රටේ නිර්මාණය වූ ෙඑතිහාසික ශිෂ්ටාචාරය තුළ රජවරුන් රට සුරක්ෂිත කර ආරක්ෂා කර රටේ පුරවැසියන් සුඛිත මුදිත කරන්නට මහා වාරි ශිෂ්ටාචාරයක් කේන්ද්ර කර ගෙන වැව් අමුණු ගොඩනගා සංවර්ධනය තුළින් රටත් ජනතාවත් පොහොසත් කරන්නට සැබවින්ම පොහොසත් රට නිර්මාණය කරන්නට කටයුතු කළ බවත් විපක්ෂ නායකවරයා පැවසීය.
දහම් අධ්යාපනය ප්රවර්ධනයට රාජ්ය මැදිහත්වීම අවශ්යයි
රටක් ලෙස ජනතාවක් ලෙස කඩිසරව උනන්දුවෙන් ස්වෝත්සාහයෙන් කාර්යශූරව ක්රියාශීලීව වැඩකටයුතු සිදු කළ යුතු බවත් රට ගොඩනගන්න ඇති නවීන ක්රමෝපායන් රැසක් අනුගමනය කළ යුතු බවත් බොහෝ පන්සල්වලට යන විට මේ වන විට දහම් පාසල් යන දූදරුවන් අඩු වීමත් දහම් පාසල්වලට ලැබෙන අනුග්රහ ශක්තිය ප්රමාණවත් නොවන බව දක්නට ලැබෙන බවත් අප රටේ විහාරස්ථානවල දහම් අධ්යාපනය ප්රවර්ධනය කිරීමට ජනතාව සේම රජය මැදිහත්විය යුතු බවත් මේ දහම් අධ්යාපනය ශක්තිමත් කිරීම අප ගේ වගකීම බවත් මේ තුළින් දහම් අධ්යාපනය සේම පන්සල ආගමික සිද්ධස්ථානය කේන්ද්ර කර ගෙන සුහුරු දරුවන් හා පුරවැසියන් නිර්මාණය කරන කෙන්ද්රස්ථාන විය යුතු බවත් මේ හරහා දරුවන් සේම තරුණයන් සුහුරු පුරවැසියකු බවට පත් කළ හැකි බවත් විපක්ෂ නායකවරයා පැවසීය.
බුද්ධි ගලනය වැඩි වෙලා. රටට අත්වන ඉරණම හිතාගන්න බැහැ
මෑත කාලයේ වෛද්යවරු හා විශේෂඥ වෛද්යවරුන් 2500ක්, තොරතුරු තාක්ෂණ ක්ෂේත්රයේ ලක්ෂ ගණනින් අප රට අතහැර වෙනත් රටවල් කරා යන බවත් මේ ආකාරයට බුද්ධි ගලනය සිදුවන විට අප රටට අත්වන ඉරණම සිතාගත නොහැකි බවත් එම නිසා ආගමික සිද්ධස්ථාන ශක්තිමත් කරමින් දහම් අධ්යාපනය ලබා දෙනවා සේම දරුන්ට සහ තරුණයන්ට සුහුරු අධ්යාපනය ලබා දෙන මධ්යස්ථාන බවට පත් විය යුතු බවත් විපක්ෂ නායකවරයා පැවසීය.
ඒකීය භාවය ජනතාව තුළ තිබිය යුතුය හැගීමක් විය යුතුයි
සම්බුද්ධ ශාසනය සුරක්ෂිත කිරීමට පක්ෂ භේද දේශපාලන භේද අවශ්ය නොවන බවත් විහාරස්ථාන හා පන්සල් පද්ධතිය පනටත් වඩා රැකිය යුතු බවත් ඊට අමතරව සෙසු ආගමික සිද්ධස්ථාන පවා සුරක්ෂිත කරමින් ජන සමාජයේ සහෝදරත්වය සංහිදියාව එකමුතුභාවය ප්රවර්ධනය කිරීම තුළ රට ආරක්ෂා කර ගත හැකි බවත් ඒකීය භාවය ආණඩුක්රම ව්යවස්ථාවේ තිබීම ප්රමාණවත් නොවන බවත් එය ලක්ෂ 220ක් ජනතාවගේ හැගීමක් විය යුතු බවත්
