වඩාත් පහසු, නම්යශීලී හා කාර්යක්ෂම බැංකු සේවාවක් සැපයීමේ අරමුණෙන් නවීන ඩිජිටල් තාක්ෂණය හා මුසු වූ ලංකා බැංකුවේ පේදුරුතුඩුව ශාඛාව ATM හා CDM පහසුකම්ද සමගින් අංක 86, කෙළින් වීදිය, පේදුරුතුඩුව යන ලිපිනයෙහි පිහිටි නව ගොඩනැගිල්ලක ප්රතිස්ථාපනය කිරීම පසුගියදා සිදුකෙරිණි.
පවතින සෞඛ්යාරක්ෂිත ක්රමවේදයන්ට අනුකූලව සංවිධාන කෙරුණු එම උත්සවයට ලංකා බැංකුවේ සහකාර මහා කළමනාකරු (උතුරු පළාත) වී. සිවානන්දන්, මෙහෙයුම් කළමනාකරු (උතුරු පළාත) එස්. ආනන්දරාජා, ප්රධාන කළමනාකරු (යාපනය අධිශ්රේණියේ ශාඛාව) කේ. සිවඥානසුන්දරම්, ප්රාදේශීය කළමනාකාරිනී (යාපනය-නැගෙනහිර) යූ. යෝගරාජසිංහම්, පේදුරුතුඩුව පොලිස් ස්ථානයේ ස්ථානාධිපති ප්රියන්ත අමරසිංහ සහ පේදුරුතුඩුව ශාඛාවේ කාර්යමණ්ඩල සාමාජික සාමාජිකාවෝ සහභාගි වූහ.
පේදුරුතුඩුව ප්රදේශය ආශ්රිතව ජීවත්වන ගනුදෙනුකරුවන් සාමාජීය හා ආර්ථික වශයෙන් බලගැන්වීම සඳහා මූල්ය පහසුකම් සමගින් ප්රධාන බැංකු සේවාවන් රැසක් ලබාදීම ප්රතිස්ථාපිත BOC ශාඛාවේ අරමුණයි. එමෙන්ම ඩිජිටල්කරණය වූ බැංකු පහසුකම් ඇතුළු සුවිශේෂ පහසුකම් රාශියක් ලබාගැනීමේ හැකියාව මෙහිදී ලංකා බැංකුව මගින් තම ගනුදෙනුකරුවන්ට උදාකර දී ඇත.
