ශ්‍රී ලංකාවේ ක්‍රීඩාව වෙනුවෙන් අරමුදල් රැස්කිරීමේ ප්‍රථම ඩිජිටල් වෙබ් අඩවිය ආරම්භ කරයි

ශ්‍රී ලංකාවේ මලල ක්‍රීඩක ක්‍රීඩිකාවන් ජාත්‍යන්තර තලයට ඔසවා තැබීම සඳහා දැඩි කැපවීමකින් කටයුතු කරන මෙරට ප්‍රමුඛතම කුකුළු මස් නිෂ්පාදකයා වන ක්‍රිස්බ්‍රෝ, ශ්‍රී ලංකා ඔලිම්පික් කමිටුව සමග එක්ව මෙරට පාසල් මට්ටමේ සිටින ක්‍රීඩක ක්‍රීඩිකාවන් ජාත්‍යන්තර තලයට ගෙන ඒමේ වැඩපිළිවෙළ තවත් ශක්තිමත් කරමින් ඔවුන් වෙනුවෙන් අරමුදල් රැස් කිරීම සඳහා වන www.nextolympichope.com වෙබ් අඩවිය පසුගියදා ආරම්භ කරන ලදී. ඩිජිටල් වේදිකාවක ක්‍රියාත්මක වන මෙම නවමු වැඩසටහන මගින් ලංකාව පුරා වෙසෙන එහෙත් ජාත්‍යන්තර තලයේ ජයග්‍රහණ ලබා ගැනීමේ විභවයක් සහිත ක්‍රීඩක ක්‍රීඩිකාවන්ට, පාසල් ක්‍රීඩා සංගමයන්ට, ක්‍රීඩා සමාජයන්ට අවශ්‍ය මූලයමය අනුග්‍රහයන් ලබා දීමට හැකියාව ලැබෙනු ඇත. දෙස් විදෙස් ධානපතියන් සහ ආයතනයන් විසින් මෙම වෙබ් අඩවියට බැර කෙරෙන සියලු මුදල් විනිවිදබවකින් යුක්තව ජාතික ඔලිම්පික් කමිටුවේ තාක්ෂණික කමිටුව විසින් පාලනය කෙරෙනු ඇත.