ග්රහ යෝගයන් අතර ශුභඵල දෙන යෝග මෙන්ම අශුභපල දෙන යෝගයන්ද රාශියක් ඇත. කෙතරම් දියුණු වුවත් ධන කුවේරයන්ව සිටියත් දුගී දුප්පතුන් බවට පත්වෙන පුද්ගලයන් අප කොතෙකුදු දැක ඇත. එමන්ම ප්රභල යෝග නොමැති නම් කාලකණ්ණි ජීවිත ගෙවන පුද්ගලයන් ද තමා කරනා අකුසල කර්මයන් ජීවිතයේ අවසාන කාලය තුළ ගෙවීමට සිදුවන බව අප දැක ඇත. එමෙන්ම සමාජ විරෝධී ක්රියා කරනා පුද්ගලයන්ට කරදර කොට අධම මාර්ග තුළින් මුදල් හම්බකරන පුද්ගලයන් ඉතා සුඛෝපභෝගී ජීවිත ගතකර අවසානයේ දරුවන්ගේ මාර්ගයෙන් හෝ දුක් විඳීමට සිදුවන පුද්ගලයන් ඇත. මෙලෙස රජකම් කළත් කළකම් පලදෙන ග්රහයෝග කිහිපයක් මෙවර ගෙනහැර දක්වමු. මෙම ග්රහ පිහිටීම් ඇත්නම් නිසැකවම ඔබ සුචරිවත් ලෙස ජීවිතය ගෙවිය යුතුමයි. එමෙන්ම ආගමට දහමට ළැදිව කටයුතු කළ යුතුය. මිනිසකු වශයෙන් උපත ලබා ඉතා දිළිඳුව, රෝගීව, අසරණව ජීවිතය ගෙවීමට සිදුවනවා නම් එය මරණයට වඩා දුකකි. අද මෙම ලිපියෙන් ඉදිරිපත් කරන්නේ මෙලෙස අභාග්යසම්පන්න ලෙස ජීවිතය ගෙවීමට සිදුවන දුෂ්ට යෝග කීපයකි.Sri Lanka Latest News
කේමදෘම යෝගය
ඔබගේ උප්පත්ති කේන්දරයේ සඳු දෙපස ග්රහයන් නොපිහිටි විට මෙම යෝගය යෙදේ. එමෙන්ම පහ නමය යන ස්ථානවල ග්රහයන් නොසිටීම මෙන්ම චන්ද්රයාට ශුභ ග්රහ ග්රහ දෘෂ්ටි නොවැටේ නම් මෙම ග්රහයෝගය යෙදෙනු ඇත. එමෙන්ම බොහෝ දෙනා පවසන පරිදි හතර කේන්ද්රයේ ග්රහයෙන් නොමැති නම් එහෙමනම් හතර කේන්ද්රය පාළු නම් කේමදෘම යෝගය යෙදෙන බව බොහෝ දෙනා පිළිගනිති නමුත් මෙහි සත්යතාවක් නම් දැක ගන්නට නොහැකිය. හතර කේන්දරේ ග්රහයන් බලවත් නොවූවත් ත්රිකෝණස්ථානවල ග්රහයෙන් බලවත් වීම හේතු කොටගෙන කේමද්රම යෝගය භංග වෙන ග්රහ පිහිටීම් පිහිටනවා ඇත. නමුත් හතර කේන්ද්රය එනම් එක හතර හත දහය පාළු වූ පමණින්ම ජන්මියාට අයහපත් දෙයක් සිදු නොවන බව අත්දැකීම් රාශියක් තිබේ. බැලූ බැල්මට හතර කේන්දරය පාළුවී තිබුණත් භාව , ස්ඵුට ග්රහ දෘෂ්ටි බැලීමෙන් හතර කේන්දරය පාළුවී ඇති ජන්ම පත්ර සියයට හැටක ප්රමාණයක් හතර කේන්ද්රය පාළුවී නැති බව පෙනී යයි. එමෙන්ම හතර කේන්දරයේ පාළුවේ තිබුණත් යහපත් ග්රහ දෘෂ්ටි දැක්ීම් වගේම ත්රිකෝණස්ථානවල ග්රහයන් බලවත් වීම නිසාම ඔහු හෝ ඇය සමාජයේ උසස් තත්ත්වයකට පත්වෙයි. එවැනි අවස්ථාවකදී මෙම දෝෂ භංග වීම සිදුවනවා ඇත. ප්රධාන වශයෙන්ම කේමද්රම යෝගයේ යෙදෙන්නේ චන්ද්රයාගෙන් දෙපැත්තේ ග්රහයන් නොපිහිටීම හේතුකොටගෙනය. කේමදෘම යෝගී ප්රතිඵල පහත පරිදි වේ.
කිළුටු වස්ත්ර අඳින සිතින් දුක් විඳින අය වෙති. තම කුලයට නුසුදුසු ක්රියාවන්හි ඇලුනෝ වෙති. ආහාරපාන ගෙවල් දොරවල් ස්ත්රීන්ගෙන් තොරව දිළින්දකුව ලෙඩ රෝග ආදියෙන් පෙළෙන්නෝ වෙතින් රජ පවුලක ඉපදී රජ සැප විඳින අයකුගේ වුවත් මෙම යෝගය යෙදී නම් දිළින්දන් කර හිඟාකන තත්ත්වයට පත්කරයි.
දණ්ඩයෝගය
උප්පත්ති කේන්දරයේ එක, දහය එකොළහ, දොළහ යන ස්ථාන හතරෙහි සියලු ග්රහයන් යෙදුණු විට මෙම අභාග්යසම්පන්න යෝගය යෙදේ. මෙම යෝගයෙන් උපත ලද විට භාර්යාවගෙන් හෝ ස්වාමි පුරුෂයාගෙන් හා දරුවන්ගෙන් සැප නොලබති. විවාහය බොහෝ විට දෙකඩ වෙති. අසල්වැසියාගෙන් නින්දා අපහාස ලබයි නෑදෑයින් විසින් හැර දමනු ලබයි පහත් ගති පැවතුම් අය වෙති. බොහෝ විට කම්සැප සොයාගෙන අනියම් පුරුෂයන් අනියම් ස්ත්රීන් සොයාගෙන යන්නෝ වෙති.
ගෝලයෝගය
සියලු ග්රහයන් එක් රාශියක පමණක් සිටීමෙන් ගෝලයෝගය නම් දුර්ලභ අවාසනාවන්ත යෝගය යෙදෙයි. මෙම යෝගයෙන් උපත ලද ජන්මීහු ධනය අතින් පිරිහුණු අය වෙති. අපිරිසිදු ශරීර ඇත්තෝය. බොහෝ විට සිහිවිකල් වූවෝ වෙති. පයට බිය නැත්තෝ වෙති. ශාස්ත්රයෙහි නිපුණත්වයක් නොලබයි. තද කම්මැළියෙකි හරිහැටි කෑම බීම පවා නොලැබෙයි.
පණියෝග
රවි කුම්භයේත් ශනි, චන්ද්ර ,කිවි යන ග්රහයින් සියලු දෙනා නීච රාශීන් තුළ සිටීම නිසා මෙම අවාසනාවන්ත යෝගය යෙදෙයි. මෙම ජන්මීන් කෙතරම් හොඳ පොහොසත් නිවාස තුළ හැදී වැඩුණත් කෙතරම් හොඳ ව්යාපාර තිබුණත් ජීවිතයේ අවසාන කාලයේදී වැරහෙලි අඳින ඉතා අපරිසිදු පිළුණු ආහාර බුදින විකෘති අත් පා ඇති යාචකයෝ වෙති.
රෝග ග්රස්ථයෝගය
ලග්නාධිපතියා (6,8,12) භාව අධිපතියාත් සමඟ ලග්නයේ සිටින විට හෝ දුබල ලග්නාධිපති ත්රිකෝණගත වීම හෝ කේන්ද්රගත වීම නිසා මෙම යෝගය උදාවේ. මෙම අය නිතරම රෝගවලට ගොදුරු වෙයි. එක් ලෙඩක් සෑදී සුව වනවාත් සමඟ තවත් ලෙඩක් සෑදී, දුබල වූ සිරුරක් ඇති අවසනාවන්ත පුද්ගලයෝ වෙති. පිළිකා රෝගී තත්ත්වයන්ද ඇතිවීමට ඉඩකඩ ඇත. වැඩි ආයුෂ නොවිඳින්නෝ වෙති.
ශකට යෝගය
1 චන්ද්රයාගෙන් (7,8) යන ස්ථානයක ගුරු සිටීම.
2 ගුරු හතර කේන්ද්රයේ හැර අනිත් ස්ථානයක සිටීම.
3 රවි චන්ද්ර කුජ බුධ ගුරු ශනි ලග්නයේ හා හතෙහි සිටීම මේ තුන් ආකාරයෙන්ම මෙම යෝගය යෙදේ.
මෙම යෝගවලින් උපත ලද්දෝ දුගී වූ කාලකණ්ණි පුද්ගලයකු වෙයි. විවාහය එතරම් ශුභ වන්නේ නැත. විවාහ වීමට ලැබෙන්නේ වධක භාර්යාවක් හෝ පුරුෂයකි. මොවුන් වැඩි වශයෙන් රථ වාහන කර්මාන්ත ශාලාවල ඇඳුම් කිලිටි කරගන්නා රැකියාවල නිරත වන බවද දක්නට ලැබේ. මෙම එක දෙක යෝග පාප සංයෝග ඇතිව යෙදී ඇති විට ජන්මියා කසළ ශෝධකයකු කිරීමටද සමත් වෙයි.
කාල සර්පයෝගය
මෙම සියලු යෝග අතරින් බහුල වශයෙන්ම ජන්ම පත්රවල දක්නට ලැබෙන යෝගය මෙයයි. මෙම යෝගය අශුභඵල දෙනවා මෙන්ම ජන්මියාට හදිසි උසස් වීම් ලබාදී ඉතා උසස් තත්ත්වයකට පත් කරන අවස්ථාද දක්නට ලැබේ. මෙම යෝගය යෙදෙන අයුරු දැන් සලකා බලමු. ජන්ම පත්රයක රාහු හෝ හේතු සිටින රාශි දෙකට මැදිවන සේ අනෙකුත් සියලුම ග්රහයන් සිටීමෙන් මෙම කාලසර්ප යෝගය යෙදෙයි. නමුත් මෙම යෝගය ගැන පලාපල කථනයේදී සැලකිලිමත් විය යුත්තේ මෙම භාවයකම තවත් ග්රහයකු ඇති අවස්ථාවලදීය එම අවස්ථා නිවැරදිව තීරණය කර ගැනීමට ග්රහස්පුඨ අවශ්ය වෙයි. එම ග්රහයා රාහුට කේතු සිටින අංශවලට වඩා මෙහා අංශකයක එහා අංශකයෙක් ද බලා නිවැරදිව කාලසර්ප යෝගයේ යෙදී ඇත්දැයි තීරණය කළ යුතුය.
මෙම යෝගය යෙදී ඇති ජන්මීහු දුක් කම්කටොලු ඇති කරමින් පහත් තත්ත්වයට ඇද දමා නැවත කීර්ති ප්රශංසා ලබමින් උසස් තත්ත්වයට පත් කිරීමක් කරයි. ජීවිතයේ කුමන පැත්තකින් හෝ අඩුවක් වීමද මෙම ග්රහයෝගයේ ප්රතිඵලයකි. බුධ ග්රහයා උච්චව යේදී ඇති විට මෙම යෝගයේ අශුභ ප්රතිඵල අඩුවන බවද සඳහන්වේ. දේශපාලනඥයන්ට බොහෝ විට මෙම යෝගය පවතියි යැයි විශ්වාස කළ හැක. ප්රසිද්ධ පුද්ගලයන් වන ජවහල්ලා නේරූතුමා බි්රතාන්ය අගමැති හැරඩ් විල්සන් මහතා, ආඥාදායක මුසෝලිනී යන අයද මෙම යෝගයෙන් උපන්නො බව පෙනේ.
ලග්නාධිපති හා නවාංශකාධිපතියා හය අට දොළහ යන දෘෂ්ටි ස්ථානවල යෙදී ඔවුන්ට දෙක හත යන මාරක ස්ථාන අධිපතීහු සංයෝග වීමද ඔවුන්ගේ අශුභ දෘෂ්ටි ලැබීමද නිසා ජන්මීහු බොහෝ අසරණ දුගී ජීවිත ගෙවන තත්ත්වයට පත්වෙයි.
මෙලොව ජීවත් වන පුද්ගලයන් අතර ඉහත සඳහන් කළ අන්දමේ ජීවිත ගත කරන පුද්ගලයන් කොතෙකුත් ඔබ දැක ඇති. ඒ අයගේ ජන්ම පත්ර පරීක්ෂා කළ විට එම යෝග එම ජන්ම පත්ර තුළ තිබෙනු දැකගත හැකිය. එසේ නම් ජ්යෝතිෂය කෙතරම් නිවැරදි විද්යාවක් නොවන්නේද. ජ්යෙතිෂය ගැන විශ්වාසයක් ඔබ තුළ නැත්නම් ඉහත යෝගවල ප්රතිඵලවල ආකාරයට ජීවත්වන ජන්මීන්ගේ ජන්ම පත්රවල එම යෝගය අතිදැයි පැහැදිලිව පරීක්ෂා කර බලන්න. එවිට එහි සත්ය අසත්යතාව ඔබටම වැටහෙනු ඇත.
මිහිරාජ් සිසිල
(ශාස්ත්රවේදී ගෞරව)
0719340715
