පොදුවේ සියලු ජන්මීන් අපහසුතාවට පත්වන කාල වකවානුවක් උදාවී තිබේ. මෙය ග්‍රහයන්ගේ වැඩක් දැයි කෙනකු විමසනවාට සැකයක් නැත. එසේ අසන්නට පෙර මේ තත්ත්වය දෙස කවුරුත් සාධාරණව බැලිය යුතුය. මන්ද මෙය එක්තරා ආකාරයකට ලෝකයටම බලපාන තත්ත්වයකි. එමෙන්ම ග්‍රහ මණ්ඩලය තුළ මේ වසරේ සිදුවූ හැලහැප්පීම් සහ විවිධ ග්‍රහ ගෝචරයන්ද අඩු වැඩි වශයෙන් මේ ප්‍රතිඵල උපරිම කිරීමට හේතු පාදක වී තිබේ. ඒ ගැන ගැඹුරින් විමසීමේදී ඊට හේතු සාධක වූ ග්‍රහ තත්ත්ව හඳුනා ගැනීමට හැකිවනු ඇත.
එහෙත් ගෝලීය තත්ත්වයක් සේ සලකා මෙම අර්බුදය ඇතැම් විට විවිධ රටවලට බලපාන ආකාරය අනුවත් ඇතැම් රටවල් ශීඝ්‍රයෙන් දියුණුවට පත්වන්නට මේ අර්බුද තත්ත්වයම හේතුවක් වන්නටත් එකම අර්බුදය විවිධ රටවලට විවිධාකාරයෙන් බලපාන්නටත් ඒ ඒ රටවල පිහිටීම හේතුවූ බව සරලව විමසීමේදී පවා පැහැදිලි වේ. ඒ අනුව ඒ ඒ ග්‍රහයන්ගේ බලපෑම විවිධ රටවල් අනුව වෙනස් වන ආකාරයක් හඳුනාගත හැකි වේ.
කෙසේ නමුත් ලංකාවාසී ජන්මීන් අතරින් ගත් විටද මේ අර්බුද තත්ත්වය විවිධ ආකාරයට බලපාන බව අකැමැත්තෙන් වුව පිළිගන්නට සිදුවේ. එහිදී ඇතැම් පිරිස්වලට මේ අර්බුදය ආර්ථික වාසියක් වී ඇති බව පැහැදිලිව පෙනෙන්නට තිබේ. එවැනි අයගේ උත්පත්ති කේන්දර පරීක්ෂා කළහොත් ඔවුන්ට අර්බුදයකින් වුවද වාසනාව උදාවන ග්‍රහ තත්ත්වයක් උදාවී ඇති බව පැහැදිලි වනු ඇත.
මීට වසරකට පමණ පෙර මා වෙත පැමිණි එක්තරා ව්‍යාපාරික මහතෙකුගේ කේන්දරය පරීක්ෂා කළ මා ස්ථිරවම පැවැසුවේ එවැන්නක් මාස දහයක් ගිය තැන ඔහුට නොසිතූ විරූ ආදායමක් උපයාගත හැකි බවයි. එහෙත් ඔහු එය විශ්වාස නොකළ අතර ඔහු පැවසුවේ එසේ විය නොහැකි බවයි. එහෙත් අද වෙන විට ඔහුගේ ව්‍යාපාරයට සම්බන්ධ භාණ්ඩවල මිල 500%කින් පමණ ඉහළ ගොස් ඇති අතර ඔහු සතුව තිබූ එම භාණ්ඩ විශාල තොග ශීඝ්‍රයෙන් අලෙවි වන තත්ත්වයක්ද ඇතිවී තිබේ. ඒ අනුව ඔහු පසුගියදා මා හට දුරකතනයෙන් කතා කොට අනාවැකිය සත්‍ය වූ බව පවසා මා හට තුති පුද කළේ හැකි ඉක්මනින් මා හමුවන බව පවසමිනි.
මේ ආකාරයට මෙලොව සෑම ජන්මියකුටම මේ අර්බුද කාලයට ගැළපෙන ආකාරයට දියුණුවට පත්වීමට හැකි ග්‍රහ තත්ත්ව හඳුනාගත හැකි බව පිළිගත යුතුය. එහෙයින් තම පවුලේ ජ්‍යොතිෂවේදී මහතා හමුවී කේන්දරය පරීක්ෂා කරවාගෙන තමන්ට මෙම අර්බුදය හමුවේ වාසනාව උදාකර ගත හැකි දින වකවානු සහ ක්‍රම ගැන පූර්ණ විමසුමක් කරවා ගෙන ඒ ගැන දැන සිටීම වැදගත් වේ.
මෙහිදී ඔබට ධන උල්පත් පෑදෙන වාසනාව උදාවන මුදල් ලැබෙන සහ ඔබට සුබ වන අනෙකුත් කාරණා කිසිදු සැඟවීමකින් තොරව පැවැසීමට ජ්‍යොතිෂවේදී මහතා කාරුණික විය යුතුය. එහෙත් වර්තමානයේ බහුතරයක් ජ්‍යොතිෂවේදීන් තමන් ළඟට එන්නාගේ අවශ්‍යතාව ඉටු කරන්නේද ගුරු මුෂ්ටි තබාගනිමිනි. එමෙන්ම අනවශ්‍ය ආකාරයට මුදල් අයකිරීමද මේ මොහොතේ සුදුසු නොවන බව ජ්‍යොතිෂවේදී මහතුන් වටහාගත යුතුමය. කෙසේ නමුත් සෑම කෙනකුටම තම පවුලේ සාමාජික සියලු දෙනාගේම කේන්දර පරීක්ෂා කරවාගෙන මේ මොහොතේ අභියෝග මැඩගෙන ජීවිතය ජයගත හැකි ක්‍රමවේදයක් ඒ ඒ අයගේ කේන්දර ඇසුරින් සකස් කරවා ගන්නේ නම් වඩාත් සුබදායකය. එවිට ඒ ඒ අයගේ වාසනා ගුණයන් බලගැන්වෙන ආකාරයට පවුලේ සාමාජිකයන්ගේ කේන්දර ඇසුරින් යම් සැලසුමක් ජ්‍යොතිෂයට අනුව සකසා ගත හැකිය. මෙය ආවාට ගියාට කළ නොහැකි අතර යම් කැපවීමක් කර සිදුකළ යුතු හෙයින් වගකිව යුතු ජ්‍යොතිෂවේදී මහතකු හමුවන්න. නැතහොත් අමතන්න.
ප්‍රවීණ ජ්‍යොතිෂවේදී ජයශ්‍රී නන්ද කුමාර- 0777137310
