දකුණු පළාතේ ATM යන්ත්රවලින් රුපියල් කෝටියකට අධික මුදලක් සොරකම් කළ සිද්ධියට පොලිස් නිලධාරියෙකු සහ විදේශිකයින් දෙදෙනෙකු ඇතුළු 5ක් සැකපිට පොලීසිය විසින් අත්අඩංගුවට ගෙන තිබේ.
මෙලෙස අත්අඩංගුවට ගෙන ඇති විදේශිකයින් දෙදෙනා බල්ගේරියානු ජාතිකයින් බවත් එක් අයෙකුට කැනඩා පුරවැසිකම ඇති බවත් අනාවරණය වී තිබේ.
සැකකාර විදේශිකයින් දෙදෙනා කොළඹ සුපිරි මහල් නිවාස සංකීර්ණයක නවාතැන්ගෙන සිටියදී අපරාධ පරීක්ෂණ දෙපාර්තමේන්තුවේ පරිගණක අපරාධ කොට්ඨාසය විසින් අත්අඩංගුවට ගෙන ඇත.
එම සැකකරුවන් අතර මීගහතැන්න පොලීසියේ පාලන අංශයේ ස්ථානාධිපතිවරයාද සිටී.
සැකකාර පොලිස් නිලධාරියා අත්අඩංගුවට ගෙන ඇත්තේ පිටිගල පොලිස් වසමේ අමුගොඩ ප්රදේශයේදීය.
සෙසු සැකකරුවන් දෙදෙනා අත්අඩංගුවට ගෙන ඇත්තේ ඇල්පිටිය සහ මීගමුව ප්රදේශවලදීය.
