සුළු හා මධ්ය පරිමාණ ව්යවසායකයන්ගේ මූල්ය සාක්ෂරතාව ඉහළ නැංවීම කේන්ද්ර කරගනිමින් ප්රධාන පෙළේ බැංකු නොවන මූල්ය ආයතනයක් වන ඇසට්ලයින් ෆිනෑන්ස් ලිමිටඩ් වෙතින් ‘දේශයට ජවයක්’ ලෙස නම්කෙරුණු කාලෝචිත ආයතනික සමාජ සත්කාරක වැඩසටහන පසුගියදා ආරම්භ කළේය. ඉදිරියේදී රට පුරා පැවැත්වීමට නියමිත වැඩසටහන් මාලාවක පළමු වැඩසටහන වන මෙය දකුණු පළාතෙන් ආරම්භ කෙරුණු අතර ඒ සඳහා 100කට අධික සුළු හා මධ්ය පරිමාණ ව්යවසායකයන් පිරිසක් සහභාගී විය. මාතර, කඹුරුගමුවේ පිහිටි DPMC ශ්රවණාගාරයේදී මෙම වැඩමුළුව පැවැත්විණි.
රටේ ආර්ථිකයේ කොඳු නාරටිය වන සුළු හා මධ්ය පරිමාණ ව්යවසායකයන් පිරිසක් ගොඩනැංවීම සහ ඔවුන්ගේ ශක්තිමක් ජාලයක් බිහි කිරීමේ වැදගත්කම මෙම වැඩමුළුවේ සම්පත් දායකයා ලෙස සහභාගී වුණු එච්. සී. පී. කන්සල්ටින් (ප්රයිවට්) ලිමිටඩ් සභාපති සහ ජ්යෙෂ්ඨ උපදේශක, ආසියා පැසිෆික් මූල්ය සහ ව්යවසායකත්ව සංවර්ධන ආයතනයයේ සභාපති සහ ප්රවීණ සුළු හා මධ්ය පරිමාණ ව්යාසායකත්ව පුහුණු උපදේශක, ජ්යෙෂ්ඨ වරලත් ගණකාධිකාරී චාමින්ද කුමාරසිරි මහතා විසින් වැඩසටහන ආරම්භයේදී පැහැදිලි කරන ලදී.
වර්තමාන ආර්ථික පසුබෑම තුළ සුළු හා මධ්ය පරිමාණ ව්යවසායකයන්ට මුහුණ දීමට සිදුවී ඇති විවිධාකාර අභියෝග පිළිබඳ කුමාරසිරි මහතා සමග සාකච්ඡා කර ගැටලු නිරාකරණය කරගැනීමේ අවස්ථාවද මෙහිදී සහභාගි වූවන්ට අවස්ථාව හිමිවුණු අතර ප්රශ්න සහ පිළිතුරු සාකච්ඡා කිරීමේ සැසිය උදෙසා සහභාගි වූවන්ගේ දැඩි උනන්දුවක් දක්නට ලැබිණි.
සහභාගිවූවන්ගේ ඉහළ දායකත්වය සහ වැඩසටහන පිළිබඳ ලබාදුන් සුබවාදී ප්රතිචාර වැඩමුළුවේ වටිනාකම සහ සාර්ථකත්වය කියාපාන සාක්ෂි ලෙස හැඳින්විය හැකිය. සහභාගිවූවන් සියලු දෙනාට සහතික පත්රයක් පිරිනැමුණු අතරම දිනුම් ඇදීමේ සහ තෑගි බෙදාදීමේ තරගයක්ද වැඩසටහනට ඇතුළත් විය.
විවිධ බාධක මධ්යයේ තම ව්යාපාරයට ඊළඟ මට්ටමට ගෙන යාම සදහා දැනුම සහ උපාය මාර්ග සොයන දිරිය කාන්තා ව්යවසායකාවන් 50කට අධික ප්රමාණයක් මෙම වැඩසටහනට සහභාගී වී සිටීම කැපීපෙනන අංගයක් විය.
