ශ්රී ලංකා පාම් ඔයිල් සංගමය (POIASL) සිය 4 වැනි මහාසභා රැස්වීම 2022 පසුගියදා කොළඹ දී පවත්වන ලදී. ශ්රී ලංකාවේ සහ මාලදිවයිනේ මැලේසියානු මහකොමසාරිස් Dato Tan Yang Thai සහ ඉන්දුනීසියානු ජනරජයේ තානාපති, Dewi Gustina Tobing යන මහත්ම මහත්මීන් මෙන්ම, පාම් ඔයිල් වගාකරුවන්, පිරිපහදු කරන්නන්, සැකසුම්කරුවන්, නිෂ්පාදන අලෙවිකරුවන් සහ විකුණුම්කරුවන් සහ පුද්ගලික ආරාධිතයින් ඇතුළු පාර්ශ්වකරුවන්, පෞද්ගලික මෙන්ම රාජ්ය ආයතන නියෝජනය කරමින් විවිධ නිලධාරීන් මෙම අවස්ථාවට එක්ව සිටියහ.
පාම් ඔයිල් කර්මාන්තකරුවන්ගේ සංගමයේ විධායක කමිටුව ශ්රී ලංකාවේ පාම් ඔයිල් කර්මාන්තයේ ජ්යෙෂ්ඨ විධායක නිලධාරීන්ගෙන් සමන්විත වන අතර, POIASL හි මූලික අවධානය තරගකාරී, සහ තිරසාර පාම් ඔයිල් වගාව හරහා ශ්රී ලංකාවේ ආර්ථික බෝග විවිධත්වය වැඩිදියුණු කිරීමයි.
කොවිඩ්-19 වසංගතය හමුවේ ශ්රී ලංකා ආර්ථිකය මුහුණ දී ඇති පෙර නොවූ විරූ අභියෝග පිළිබඳවත්, ඉන් අනතුරුව පොහොර තහනම සහ පාම් ඔයිල් සම්බන්ධයෙන් වන මිථ්යාවන් පිළිබඳවත් මෙම මහ සභා රැස්වීමේදී සාකච්ඡා කෙරිණි.
ඔයිල් පාම් වගාව පිලිබඳ සත්ය තොරතුරු මහජනතාවට ලබාදීමේ අරමුණින් සහ ඔයිල් පාම් වගාව සඳහා වූ තහනම ඉවත් කිරීමේ කඩිනම් අවශ්යතාව අවධාරණය කරමින් POIASL හි 2022 වාර්ෂික මහා සභා රැස්වීම අවසාන කෙරිණි.
