මෑතකදී සිය වසරක අභිමානවත් ගමන්මඟ සමරන ලද හොරණ ප්රදේශයේ ඉදිකරන ලද TVS ලංකා පුද්ගලික සමාගමේ වාහන එකලස් කිරීමේ සංකීර්ණය නැරඹීමට ශ්රී ලංකාවේ ඉන්දීය මහකොමසාරිස් ගෝපාල් බාග්ලේ මහතා පැමිණියේය.
මෙම සංචාරය අතරතුර, මහකොමසාරිස්වරයා ඉන්දියාවේදී විශේෂ පුහුණුවක් ලබාදුන් කළමනාකරුවන් සහ කාර්මික ශිල්පීන් සමග සුහද කතාබහකද නිරත විය.
විශේෂයෙන්ම, මෙම තීරණාත්මක අවස්ථාවේදී ශ්රී ලංකාවේ ආර්ථිකය වෙත ලබාදෙන TVS හි කැපී පෙනෙන දායකත්වය ගෝපාල් බාග්ලේ මහතා ඉතා ඉහළින් අගය කළේය.
එහිදී, අනෙකුත් ඉන්දීය ව්යවසායන්ද, TVS හි මෙම මඟපෙන්වීම අනුගමනය කරමින්, වත්මන් අර්බුදය සමග කටයුතු කිරීමටත්, මෙරට ආර්ථිකය පුනර්ජීවනය කිරීමටත්, ශ්රී ලංකාවේ ව්යාපාර සහ රජය සමග අත්වැල් බැඳගනු ඇති බවට ඉන්දීය මහ කොමසාරිස්වරයා විශ්වාසය පළ කළේය. ඒ අනුව, ශ්රී ලංකාවේ තරුණ තරුණියන්ට සිය කුසලතා, දක්ෂතා සහ සම්පත් අතින් පිරිනැමීමට බොහෝ දේ ඇති බවද මහකොමසාරිස්වරයා අවධාරණය කළේය.
TVS ලංකා පුද්ගලික සමාගමේ වාහන එකලස් කිරීමේ සංකීර්ණය මූලික වශයෙන් ගෝලීය ප්රමිතීන්ට සහ ජාත්යන්තරව පිළිගත් තාක්ෂණික ක්රමවේදයන්ට අනුකූලව කර්මාන්ත අමාත්යාංශය විසින් හඳුන්වා දෙන ලද ‘දේශීය අගය එකතු කිරීමේ’ සංකල්පය යටතේ යතුරුපැදි එකලස් කිරීම සඳහා ක්රියාත්මක වන්නකි.
රුපියල් මිලියන 500කට වඩා වැඩි ආයෝජනයකින් සංස්ථාපිත කරල ලද මෙම වාහන එකලස් කිරීමේ සංකීර්ණය, ශ්රී ලාංකේය තාරුණ්යයට මෙන්ම, ක්ෂේත්රයේ ප්රවීණයන්ටද බොහෝ වෘත්තීය අවස්ථා ලබාදීමටද මාහැඟි මෙහෙවරක් සපයනු ඇත.
මීට වසර 20කට පෙර එහි ආරම්භයේ සිටම, TVS ලංකා පුද්ගලික සමාගම 2016 වසරේ SLIM සන්නාම විශිෂ්ටතා සම්මාන උළෙලේදී ‘වසරේ විශිෂ්ටතම සන්නාමය’ යන සම්මානය ඇතුළු බොහෝ ඇගයීම්වලින් පිදුම්ලබා ඇත.
