පීපල්ස් ලීසිං ඇන්ඩ් ෆිනෑන්ස් පීඑල්සී සමාගම, ශ්රී ලංකාවේ මූල්ය ඇතුළත්කිරීම් ප්රවර්ධනය කිරීමෙහිලා සහ ගනුදෙනුකරුවන් ඉහළ මට්ටම් කරා ළඟාවීමට බලගැන්වීමෙහිලා විශිෂ්ට කාර්යභාරයක් ඉටුකරනු ලබන ප්රමුඛ පෙළේ බැංකු නොවන මූල්ය ආයතනයකි.
ක්ෂුද්ර, කුඩා සහ මධ්ය පරිමාණ ව්යවසායක (MSMEs) ප්රජාවගේ සාර්ථකත්වය සඳහා පීපල්ස් ලීසිං සමාගම මූල්ය විසඳුම් පිරිනමනු ලබයි. බැංකු අංශයේ වඩාත් විධිමත් මූල්ය විසඳුමක් ලබාගැනීමට නොහැකි වන පුද්ගලයකුට වුවද පීපල්ස් ලීසිං සමාගම තුළින් පහසු මූල්ය ප්රවේශයක් ලබාගැනීමට හැකියාව ලැබේ. එසේම අභියෝගාත්මක කාලපරිච්ඡේදයන්හිදී සමාගම සිය ගනුදෙනුකරුවන්ට ඔවුන්ගේ මූල්ය අසීරුතාවන් මඟහරවා ගැනීමටත් ජීවනෝපායන් උසස් කරලීමට සහ බිඳවැටුණු ව්යාපාර යළි නගාසිටුවීමටත් උපරිම සහාය නිරතුරුව ලබාදී ඇත. ගෝලීය කොවිඩ්-19 වසංගතයේ අතුරු ප්රතිඵලයක් ලෙස වර්තමානයේ ශ්රී ලංකාව මුහුණ දී තිබෙන ආර්ථික අවපාතය හේතුවෙන් බලපෑමට ලක්වූ ජීවනෝපායන් සහ ව්යාපාර ගණනාවක් සඳහා මූල්ය සහන/ විසඳුම් සහ උපදේශන සේවා සමාගම විසින් සපයා තිබීම විශේෂත්වයකි.
පීපල්ස් ලීසිං ඇන්ඩ් ෆිනෑන්ස් පීඑල්සි සමාගමේ නව සභාපති ලෙස පත්වූ ප්රදීප් අමිර්තනායගම් මහතා පැවසුවේ, ජීවනෝපාය සහ ව්යාපාර සවිබල ගන්වමින් ජාතියේ උන්නතියට දායකවීම පීපල්ස් ලීසිං සමාගමේ ඒකායන අරමුණ බවත් හා සමාගම ඉහළ අවධානයක් යොමු කරන්නේ ක්ෂුද්ර, කුඩා සහ මධ්ය පරිමාණ ව්යවසායක අංශයට බවත්ය. එසේම සමාගමේ විශ්වාසනීය පාරිභෝගික හිතකාමී මූල්ය විසඳුම් සහ සේවා විශිෂ්ටත්වය තුළින් අපි ක්ෂුද්ර, කුඩා හා මධ්ය පරිමාණ ව්යවසායන් ශක්තිමත් කරන අතර එමඟින් ආර්ථික වර්ධනයට සෘජුව දායක වන බව ඔහු වැඩිදුරටත් සඳහන් කළේය.
